-
Notifications
You must be signed in to change notification settings - Fork 9
/
Susanna.txt
136 lines (134 loc) · 12.3 KB
/
Susanna.txt
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
Chapter 1
0 ܟܬܒܐ ܕܫܘܫܢ.
1 ܐܝܬ ܗܘܐ ܓܒܪܐ ܚܕ ܥܡ̇ܪ ܒܒܒܠ. ܫܡܗ̣ ܝܘܝܩܝܡ
2 ܘܫ̣ܩܠ ܠܗ ܐܢܬܬܐ ܘܫܡܗ̇ ܫܘܫܢ. ܒܪܬܗ̇ ܕܗܠܢܐ. ܘܫܦܝܪܐ ܗܘܬ̣ ܛܒ. ܘܕܚ̇ܠܐ ܡܢ
ܡܪܝܐ
3 ܘܐܢ̈ܫܝܗ̇ ܟܠܗܘܢ̣ ܙܕܝܩܝܢ ܗܘܘ. ܘܐܠܦ̇ܘܗ̇ ܠܒܪܬܗܘܢ ܟܠܗܘܢ ܦܘ̈ܩܕܢܘܗܝ ܕܡܘܫܐ
4 ܘܗ̣ܘ ܝܘܝܩܝܡ ܒܥܠܗ̇ ܥܬܝܪ ܗܘܐ ܛܒ̣ ܣܘܓܐܐ. ܐܝܬ ܗܘܐ ܠܗ ܦܪܕܝܣܐ ܚܕܪ ܒܝܬܗ.
ܘܠܘܬܗ̣ ܟܢ̇ܫܝܢ ܗܘܘ ܝܗܘܕ̈ܝܐ. ܡܛܠ ܕܡܝܬܪ ܗܘܐ ܡܢ ܟܠܗܘܢ ܒܙܒܢܐ ܗ̇ܘ
5 ܩܡ̇ܘ ܬܪ̈ܝܢ ܩܫܝܫ̈ܐ ܒܥܡܐ ܕܐܝܬܝܗܘܢ ܕ̈ܝܫܢܐ ܕܥܡܐ ܘܕ̇ܝ̈ܢܐ ܒܫܢܬܐ ܗ̇ܝ̣.
ܕܥܠܝܗܘܢ ܡܠܠ ܐܠܗܐ: ܕܡܢܗܘܢ ܢ̇ܦܩ ܪܘܫܥܐ ܡܢ ܒܒܠ. ܡܢܗܘܢ ܡܢ ܩܫܝ̈ܫܐ̣ ܘܡܢ
ܕܝ̇ܢ̈ܐ. ܗ̇ܢܘܢ ܕܡܫܡܫܝܢ ܗܘܘ ܒܗܝܟܠܐ
6 ܗܢܘܢ ܗܠܝܢ ܐ̇ܬܝܢ ܗܘܘ ܐܡ̇ܝܢܐܝܬ ܠܒܝܬܗ ܕܝܘܝܩܝܡ̣. ܘܐ̇ܬܝܢ ܗܘܘ ܟܠ ܐܝܠܝܢ
ܕܐܝܬ ܗܘܐ ܠܗܘܢ ܕܝܢ̣ܐ̣ ܘܡܬܕܝܢܝܢ
7 ܘܗ̣ܘܐ ܕܟܕ ܐܙ̣ܠ ܟܘܠܗ ܥܡܐ ܒܦܠܓܗ ܕܝܘܡܐ̣. ܐܙܠ̣ܬ ܗܘܬ ܫܘܫܢ ܗܝ̣ ܘܛܠܝ̈ܬܗ̣̇
ܠܦܪܕܝܣܐ̣ ܕܒܥܠܗ̇
8 ܘܚ̇ܙܝܢ ܗܘܘ ܠܗ̇ ܟܠܝܘܡ ܗ̇ܢܘܢ ܩܫܝ̈ܫܐ̣. ܟܕ ܡܗܠܟܐ ܗܘܬ ܘܐ̇ܙܠܐ ܠܦܪܕܝܣܐ
ܕܒܥܠܗ̇
9 ܘܪܓܘܗ̣̇ ܘܐܬܗܦܟ ܡܕܥܗܘܢ̣. ܘܐܪܟܢܘ ܥܝ̈ܢܝܗܘܢ ܕܠܐ ܢܚܘܪܘܢ ܒܫܡܝܐ. ܘܠܐ
ܢܬܕܟܪܘܢ ܬܘܒ ܥܡ ܙܕܝ̈ܩܐ
10 ܘܪܓܘܗ̇ ܬܪ̈ܝܗܘܢ ܠܡܗܘܐ ܥܡܗ̣̇. ܐܝܟ ܐܘܪܚܐ ܕܢܫ̈ܐ. ܘܠܐ ܓܠܘ ܡܚܘܬܗܘܢ ܚܕ ܠܚܕ
11 ܡܛܠ ܕܨ̇ܒܝܢ ܗܘܘ ܠܡܗܘܐ ܥܡ̇ܗ̇ ܒܛܘܫܝܐ
12 ܘܢ̇ܛܪܝܢ ܗܘܘ ܠܗ̇ ܟܠܝܘܡ ܚܦܝܛܐܝܬ ܠܡܚܙܝܗ̇
13 ܘܐܡ̣ܪ ܚܕ ܠܚܒܪܗ. ܢܐܙܠ ܠܢ ܡܟܐ. ܡܛܠ ܕܥܕܢܐ̣. ܗ̣ܘܐ ܠ̇ܗ ܕܫܪܘܬ̣ܐ
14 ܘܢܦ̣ܩܘ ܠܡܐܙܠ ܐܟܚܕܐ. ܘܓ̣ܢܒܘ ܢܦܫܗܘܢ ܚܕ ܡܢ ܚܕ. ܘܥܛܦ̣ܘ ܬܪ̈ܝܗܘܢ ܟܕ ܠܐ
ܝܕ̇ܥܝܢ. ܘܐܬܘ ܬܪ̈ܝܗܘܢ ܐܪܥܘ ܚܕ ܠܚܕ ܬܡܢ. ܘܟܕ ܒܗܬܘ ܠܗܘܢ ܒܡܕܡ ܕܥܒܕܘ ܚܕ ܠܚܕ
ܒܢܟܠܐ̣. ܝܬ̣ܒܘ̣ ܘܓܠܘ ܚܕ ܠܚܕ ܪܓܬܗܘܢ ܦܩܪܬܐ̣ ܘܡ̣ܘܒܕܢܝܬܐ. ܕܐܝܟܢܐ ܪܓܘܗ̇
ܠܡܠܝܬ ܢܟܦܘܬܐ. ܘܡܢ ܗܝ̇ܕܝܢ ܢܛ̇ܪܝܢ ܗܘܘ ܠܗܘܢ ܥܕܢܐ̣. ܕܢܫܟܚܘܢܗ̇ ܒܠܚܘܕܝܗ̇
ܘܢܨܥܪܘܢܗ̇ ܠܫܘܝܬ ܕܘܟܪܢܐ ܛ̇ܒܐ
15 ܘܗ̣ܘܐ ܕܟܕ ܢܛ̇ܪܝܢ ܠܗ̣̇. ܚܙܐܘܗ̇ ܟܕ ܐ̇ܙܠܐ ܐܝܟ ܟܠܝܘܡ. ܐܝܟ ܕܐܬܡܠܝ ܘܐܝܟ
ܕܡܢܬܡܠܝ. ܟܕ ܐܝܬ ܗ̈ܘܝ ܥܡܗ̇ ܛܠܝܬ̈ܗ̇ ܬܪܬܝܢ. ܘܐܬܪܓܪܓܬ̣ ܠܡܣܚܐ ܬܡܢ
ܒܦ̇ܪ̈ܕܝܣܐ. ܡܛܠ ܕܚܘܡܐ ܗܘܐ. ܘܐ̣ܙܠܘ ܗ̇ܢܘܢ̣ ܩܫܝ̈ܫܐ ܘܟ̣ܡܢܘ ܬܡܢ ܒܦܪܕܝܣܐ
16 ܘܐܢܫ ܐܚܪܝ̣ܢ ܠܝܬ ܗܘܐ ܒܗ ܒܦܪܕܝܣܐ̣. ܐܠܐ ܐܢ ܬܪ̈ܝܗܘܢ ܗ̇ܢܘܢ ܩܫܝ̈ܫܐ
17 ܘܐܡ̣ܪܬ ܫܘܫܢ ܠܛܠܝܬܗ̇. ܙ̈ܠܝܢ ܐܝ̈ܬܝܢ ܠܝ ܡܫܚܐ ܘܙܡܡܐ. ܘܬܪ̈ܥܐ ܕܦܪܕܝܣܐ
ܐܚ̈ܘܕܝܢ ܥܕܡܐ ܕܐܣ̇ܚܐ
18 ܘܥ̣ܒܕ ܐܝܟ ܕܦ̣ܩܕܬ ܐ̈ܢܝܢ. ܘܐܚ̣ܕ ܬܪܥܐ ܕܦܪܕܝܣܐ̣. ܘܐܙܠ̣. ܕܢܝܬܝܢ ܡܕܡ
ܕܐܬܦܩܕ. ܘܠܐ ܚܙ̈ܝ ܐܢܘܢ ܠܗ̇ܢܘܢ ܩܫܝ̈ܫܐ ܕܛܫ̣ܝܢ ܗܘܘ ܬܡܢ
19 ܘܟܕ ܢܦ̣ܩ ܛܠܝܬ̈ܗ̇ ܕܫܘܫܢ. ܪܗܛܘ ܥܠܝܗ̇ ܗ̇ܢܘܢ ܩܫܝ̈ܫܐ̣. ܘܐܡ̣ܪܘ ܠܗ̇
20 ܗܐ ܬܪ̈ܥܐ ܕܦܪܕܝܣܐ ܐܚܝܕܝܢ ܐܢܘܢ̇ ܘܐܢܫ ܠܝܬ ܕܚ̇ܙܐ ܠܢ. ܐܠܐ ܡܛܠ ܕܡܪܓ
ܪܓܢܟܝ̣. ܕܡ̣ܟ ܥܡܢ:
21 ܘܐܢܕܝܢ ܠܐ ܨ̇ܒܝܐ ܐܢܬ ܠܡܕܡܟ ܥܡ̣ܢ. ܡܣܗܕܝܢܢ ܥܠܝ̣ܟܝ ܫܘܩܪܐ. ܕܕܡ̣ܟ ܠܘܬܟܝ
ܥܠܝܡܐ ܚܕ̣. ܘܡܛܠ ܗܢܐ ܫܕܪܬ ܐ̈ܢܝܢ ܠܛܠܝܬ̈ܟܝ ܡܢ ܠܘܬܟܝ
22 ܘܐܬܪܥܝܬ ܫܘܫ̣ܢ ܘܐܡ̣ܪܬ. ܐܘܠܨܢܐ ܗܘ ܠܝ̣ ܡܢ ܟܘܠ ܓܒܝ̈ܢ. ܐܢ ܓܝܪ ܗܕܐ
ܐܥ̇ܒܕ̣. ܡܘܬܐ ܗܘ ܠܝ ܡܢ ܩܕܡ ܐܠܗܐ ܥܠ ܕܨ̇ܥܪܬ ܬܫܘܝܬܗ ܕܝܘܝܩܝܡ ܒܥܠܝ. ܘܐܢ ܠܐ
ܐܥ̇ܒܕ̣ ܡܘܬܐ ܒܝܫ̣ܐ ܡܢ ܐܝ̈ܕܝܟܘܢ ܐܩ̇ܒܠ. ܥܡ ܫܡܐ ܒܝܫ̣ܐ ܕܠܐ ܝܐܝܐ ܠܚܐܪܘ̇ܬܝ̣.
ܘܒܗܬܬܐ̣ ܐܫܒܘܩ ܠܟܠܗ̇ ܫܪܒܬܝ. ܡܢ ܣܗܕܘܬܐ ܕܫܘܩܪܐ ܕܓܒܪ̈ܐ ܥ̇ܘ̈ܠܐ̇. ܕܡܘܣܦܝܢ ܥܠ
ܬܒܪܗ ܘܥܠ ܒܝܫ̣ܘܬܗ ܕܐܝܣܪܝܠ̇. ܒܒܙܚܐ ܒܝܬ ܥܡܡ̈ܐ ܢܘܟܪ̈ܝܐ
23 ܐܠܐ ܦܩ̇ܚ ܠܝ ܕܐܡܘܬ ܡܢ ܐܝܕ̈ܝܟܘܢ ܒܥ̈ܘ̣ܠܐ̣. ܘܠܐ ܐܚ̇ܛܐ ܩܘܕ̣ܡܬ ܡܪܝܐ̇. ܗ̇ܘ
ܕܡܕܡ ܠܐ ܛ̇ܥܐ ܠܗ. ܟܕ ܡܗܝܡܢܐ ܐܢܐ ܒܗ. ܕܐܦ ܡܢ ܐܝܕ̈ܝܟܘܢ ܢܦܨܝܢܝ
24 ܘܩ̣ܥܬ ܒܩܠܐ ܪܡ̇ܐ ܫܘܫܢ܆ ܥܠ ܐܘܠܨܢܗ̇ ܕܡܢ ܐ̈ܝܕܝ ܓܒܪ̈ܐ ܦܩܪ̈ܐ. ܘܩܥܘ ܐܦ
ܗ̇ܢܘܢ ܩܫܝ̈ܫܐ ܠܩܘܒܠܗ̇
25 ܘܪܗ̣ܛ ܚܕ ܡܢܗܘܢ. ܘܦܬ̣ܚ ܬܪ̈ܥܐ ܕܦܪܕܝܣܐ
26 ܘܗ̣ܘܐ ܕܟܕ ܐܫܬܡܥ ܩܠܐ ܗܢܐ ܒܦܪܕܝܣܐ. ܒ̈ܢܝ ܒܝܬܗ̇ ܕܫܘܫ̣ܢ. ܪܗ̣ܛܘ ܥܠܘ ܒܥܓܠ
ܕܢܚܙܘܢ ܡܢܐ ܓܕܫܗ̇. ܘܟܕ ܟܢ̣ܫܬ ܟܘܠܗ̇ ܐܢܫܘܬܗ̇ ܕܫܘܫ̣ܢ. ܫ̇ܪܝܘ ܗ̇ܢܘܢ ܩܫ̈ܝܫܐ
ܕܢܣܗܕܘܢ ܥܠܝܗ̇ ܥ̣ܘܠܐ. ܕܗܟܢܐ ܟܕ ܥ̇ܒܪܝܢܢ ܠܒܪ ܡܢ ܦܪܕܝܣܐ. ܐܕ̇ܝܩܢܢ ܕܢܚܙܐ
ܦܪܕܝܣܐ̣. ܘܚܙܝܢ ܠܫܘܫܢ ܟܕ ܕܡܝܟ ܥܡܗ̇ ܥܠܝܡܐ ܚܕ. ܘܪܗ̣ܛܢ ܠܡܐܚܕ ܐܢܘܢ̣. ܘܠܐ
ܐܬܡܨܝܢ ܠܡܐܚܕܗ ܠܗܘ̇ ܥܠܝܡܐ. ܡܛܠ ܕܥܫܝܢ ܗܘܐ ܡܢܢ
27 ܟܕ ܫܡ̣ܥܘ ܡ̈ܠܝܗܘܢ ܕܩ̈ܫܝܫܐ ܟܠܗ̇ ܐܢܫܘܬܗ̇ ܕܫܘܫ̣ܢ. ܒܗ̣ܬܘ ܥܠ ܡܕܡ ܕܐܡ̣ܪܘ
ܕܥ̣ܒܕܬ.̇—
28 ܘܗ̣ܘܐ ܠܝܘܡܐ ܐܚܪܢܐ̣. ܐܬܟܢܫ ܥܡܐ ܟܠܗ ܠܘܬ ܝܘܝܩܝܡ ܒܥܠܗ̣̇. ܕܢܥ̇ܩܒܘܢ ܥܠܝܗ̇
ܥܠ ܫܘܫܢ̇. ܐܢ ܫܪܝܪܐܝܬ ܥܒ̣ܕܬ ܛܢܦܘܬܐ ܗܕܐ. ܘܨܥ̣ܪܬ ܬܫܘܝܬܗ ܕܝܘܝܩܝܡ ܒܥܠܗ̣̇
ܬܡܘܬ ܘܐܬܘ ܐܦ ܩܫܝܫ̈ܐ ܗ̇ܢܘܢ ܬܪ̈ܝܗܘܢ ܕܢܥܫܩܘܢܗ̣̇. ܥ̇ܘܠܐܝܬ
29 ܘܐܡ̣ܪܘ ܩܕܡ ܥܡܐ ܟܠܗ. ܫܕܪܘ ܒܬܪ ܫܘܫܢ ܒܪܬܗ ܕܗܠܩܢܐ̇. ܐܢܬܬܗ ܕܝܘܝܩܝܡ.
ܘܫ̣ܕܪܘ ܒܬܪܗ
30 ܘܐܬܬ ܗ̣ܝ̣. ܘܟܠܗ̇ ܫܪܒܬܗ̇. ܘܟܠܗܘܢ ܝܕܘ̈ܥܝܗ̇ ܘܪ̈ܚܡܝܗ̇. ܘܩܡܬ ܡܨܥܬ ܟܘܠܗ
ܟܢܫܐ ܕܥܡܐ
31 ܘܐܢܬܬܐ ܫܦܝܪܐ ܗܘܬ ܒܚܙܘܐ̣ ܛܒ. ܘܡܟܝܟܐ ܝܬܝܪ ܡܢ ܟܠܗܝܢ ܢܫܐ. ܘܢܟܦܐ ܗܘܬ ܛܒ
ܬܟܣܝܬܗ̇
32 ܘܟܕ ܚܙܐܘܗ̇ ܗ̇ܢܘܢ ܪ̈ܫܝܥܐ̣. ܦܩ̣ܕܘ ܕܢܓܠܘܢܗ̇ ܬܚܦܝܬܗ. ܕܐܦܢ ܒܚܙܬܐ ܢܣܒܥܘܢܗ
ܠܫܘܦܪܗ̇
33 ܒ̇ܟܝܢ ܗܘܘ ܕܝܢ ܟܠܗܘܢ ܕܚ̇ܙܝܢ ܗܘܘ ܠܗ̣̇ ܥܡ ܟܠܗ̇ ܐܢܫܘܬܗ̇
34 ܘܟܕ ܟܢܫ̣ܐ ܣܓܝܐܐ ܚܕܝܪ ܗܘܐ ܠܗ̇. ܥ̣ܠܘ ܗ̇ܢܘܢ ܩܫܝ̈ܫܐ ܬܪ̈ܝܗܘܢ. ܘܐܣܗܕܘ
ܥܠܝܗ̇ ܫܘܩܪܐ. ܘܣܡ̇ܘ ܐܝܕ̈ܝܗܘܢ ܥܠ ܪܝܫܗ̇ ܕܫܘܫܢ. ܘܐܡ̇ܪܝܢ. ܕܗܕܐ ܥܡ ܥܠܝܡܐ ܚܕ
ܚܙܝܢܗ̇ ܟܕ ܕܡܟܐ
35 ܘܗ̣ܝ ܫܘܫܢ ܟܕ ܡܪܝܪܐ ܢܦܫܗ̇ ܥܠ ܡܕܡ ܕܓܕܫܗ̣̇. ܫܩ̣ܠܬ ܥ̈ܝܢܝܗ̇. ܠܫܡܝܐ ܠܘܬ
ܡܪܝܐ. ܡܛܠ ܕܠܒܗ̣̇ ܣ̣ܝܡ ܗܘܐ ܠܘܬ ܐܠܗܐ
36 ܘܐܡ̣ܪܘ ܗ̇ܢܘܢ ܩܫܝ̈ܫܐ ܬܪ̈ܝܗܘܢ̇ ܕܟܕ ܡܗܠܟܝܢܢ ܐܬܡܠܝ ܠܒܪ ܡܢ ܦܪܕܝܣܐ̣. ܐܬܬ
ܫܘܫܢ ܘܬܪ̈ܬܝܢ ܛܠܝ̈ܬܗ̇ ܥܡܗ̇. ܘܥܠܝܢ ܠܦܪܕܝܣܐ̣. ܘܫ̣ܕܪܬ ܐ̈ܢܝܢ ܠܐ ܡ̈ܗܬܗ̣̇.
ܘܐ̣ܚܕܬ ܬܪ̈ܥܐ ܕܦܪܕܝܣܐ
37 ܘܐ̣ܬ̣ܐ ܠܘܬܗ̇ ܥܠܝܡܐ ܚܕ ܗ̇ܘ ܕܡܛܫܝ ܗܘܐ ܠܗ̇ ܘܕܡ̣ܟ ܥܡܗ̇
38 ܚܢܢ ܕܝܢ ܥܠܢ ܗܘ̈ܝܢ ܠܢ ܠܓܘ ܦܪܕܝܣܐ̣. ܘܚ̈ܙܝܢ ܫܘܩܪܐ̣ ܘܪܗ̣ܛܢ ܥܠܝܗܘܢ
39 ܘܐܫܟ̈ܚܢ ܐܢܘܢ ܟܕ ܕܡ̈ܟܝܢ ܠܗܘ ܕܝܢ ܥܠܝܡܐ ܠܐ ܐܫܟܚܢ ܠܡܐܚܕܗ. ܡܛܠ ܕܥܫܝܢ ܗܘܐ
ܡܢܢ. ܘܦ̣ܬܚ ܬܪܥܐ ܕܦܪܕܝܣܐ ܘܥܪܩ
40 ܠܗܕܐ ܕܝܢ̣ ܐܚܕܢܗ̇. ܘܫ̇ܐܠܢܗ ܕܡ̣ܢܘ ܗ̇ܘ ܥܠܝܡܐ ܕܕܡܝܟ ܗܘܐ ܥܡܟܝ. ܘܠܐ ܨܒܬ
ܕܬܘܕܐ ܠܢ ܥܠܘܗܝ ܡ̣ܢܘ. ܗܠܝܢ ܡܣܗܕܝܢܢ ܥܠܝܗ̇ ܩܕܡܝܟܘܢ
41 ܘܗܝ̣ܡ̣ܢܬ ܐܢܘܢ ܟܘܠܗ̇ ܟܢܘܫܬܐ ܐܝܟ ܕܠܩܫܝ̈ܫܐ ܕܥܡܐ. ܘܐܝܟ ܕܠܕ̈ܝ̇ܢܐ.
ܘܚܝܒܘܗ̇ ܠܫܘܫܢ ܠܡܘܬܐ. ܐܝܟܢܐ ܕܢܕܚ̈ܠܢ ܟܘܠܗܝܢ ܢܫ̈ܐ̣. ܘܬܘܒ ܠܐ ܢܥ̈ܒܕܢ ܐܝܟ
ܒܗܬܬܐ ܗܕܐ ܠܗܝܢ ܘܠܫܪܒܬܗܝܢ
42 ܘܓܥ̣ܬ ܫܘܫܢ ܒܩܠܐ ܪܡ̇ܐ ܘܐܡ̣ܪܬ. ܐܠܗܐ ܕܐܝܬܘܗܝ ܝܕܘ̇ܥܐ: ܕܟܣ̈ܝܬܐ ܓ̈ܠܝܢ
ܐܢ̈ܝܢ ܩܕܡܘܗܝ: ܗ̇ܘ ܕܝ̇ܕܥ ܕܥܬ̈ܝܕܢ ܥܕܠܐ ܢܗܘ̈ܝܢ̣
43 ܗܘ ܢܚܙܐ ܕܒܕܓܠܘܬܐ ܥܫܩܘܢ ܗܠܝܢ. ܘܗܐ ܡܝܬܐ ܐܢܐ. ܟܕ ܠܐ ܥ̇ܒܕܬ ܡܕܡ ܕܗܠܝܢ
ܐܣܗܕܘ ܥܠܝ. ܐܠܐ ܥܠ ܗܕܐ ܕܠܐ ܥ̇ܒܕܬ ܠܗܘܢ ܨܒܝܢܐ ܕܡܕܡ ܕܫܐܠܘܢܝ ܀
44 ܘܫ̣ܡܥ ܡܪܝܐ ܒܩܠܗ̇ ܕܫܘܫܢ
45 ܘܟܕ ܢܦ̇ܩܐ ܠܡܡܬ̣. ܒܥܓܠ ܫ̇ܕܪ ܐܠܗܐ ܪܘܚܗ ܩܕܝܫܐ ܥܠ ܛܠܝܐ ܙܥܘܪܐ ܕܫܡܗ̣
ܕܢܝܐܝܠ
46 ܘܩܥ̣ܐ ܒܩܠܐ ܪܡ̇ܐ̣ ܘܐܡ̣̇ܪ. ܡܚܣܝ ܐܢܐ ܡܢ ܕܡܗ̇ ܕܗܕܐ. ܡܛܠ ܕܙܟ̇ܝܐ ܗܝ ܡܢ
ܗܕܐ ܛܢܦܘܬܐ
47 ܘܗܦ̣ܟܬ ܟܠܗ̇ ܟܢܘܫܬܐ ܠܘܬ̣ܗ ܘܐܡ̇ܪܝܢ ܠܗ. ܡܢܐ ܗܝ ܡܠܬܐ ܗܕܐ ܕܡܠ̣ܠܬ
48 ܘܗ̣ܘ ܟܕ ܩܐ̇ܡ ܒܝܢܬܗܘܢ ܥ̣ܢܐ̣ ܘܐܡ̣ܪ. ܗܟܢܐ ܣܟܠܝܢ ܐܢܬܘܢ ܒ̈ܢܝ ܐܝܣܪܐܝܠ ܕܠܐ
ܕ̇ܝܢܝܢ ܐܢܬܘܢ ܒܙܕܝܩܘܬܐ ܠܒ̈ܢܬ ܐܝܣܪܐܝܠ̣.
49 ܗܦܘܟܘ ܠܟܘܢ ܠܒܝܬ ܕܝܢ̣ܐ. ܒܕܓܠܘܬܐ ܓܝܪ ܚܝܒܬܘܢܗ̣̇ ܠܗܕܐ
50 ܘܗܦ̣ܟܬ ܟܠܗ̇ ܟܢܘܫܬܐ ܠܒܝܬ ܕܝܢ̣ܐ. ܘ̣ܐܡ̣ܪܘ ܠܗ ܗ̇ܢܘܢ ܩܫܝ̈ܫܐ ܠܕܢܝܐܝܠ.
ܬܐܬܒ ܒܝܢܬܢ̣ ܘܐܡ̣ܪ ܠܢ. ܢܚܙܐ̣ ܕܠܟ ܝܗ̣ܒ ܐܠܗܐ ܩܫܝܫܘܬܐ
51 ܘܐܡ̣ܪ ܕܢܝܐܝܠ ܠܟܠܗ̇ ܟܢܘܫܬܐ. ܦܪܘܫܘ ܐܢܘܢ ܠܝ ܚܕ ܡܢ ܚܕ ܠܗܠܝܢ ܩܫܝܫ̈ܐ̣.
ܘܗ̇ܝܕܝܢ ܐܕܘܢ ܐܢܘܢ ܐܝܟ ܕܝܗ̣ܒ ܠܝ ܐܠܗܐ. ܘܐ̇ܚܘܐ̣ ܕܒܥ̣ܘܠܐ ܐܣܗܕܘ ܥܠ ܫܘܫܢ
ܫܘܩܪܐ
52 ܘܦܪ̣ܫܬ ܐܢܘܢ ܟܢܘܫܬܐ ܚܕ ܡܢ ܚܕ̣. ܘܩ̣ܪܐ ܠܚ̣ܕ ܡܢܗܘܢ̣ ܘܐܡ̣ܪ ܠܗ. ܓܒܪܐ ܐܢܬ̣
ܕܥܬ̣ܩܬ ܒܝܘ̈ܡܬܐ ܒܝ̈ܫ̣ܐ. ܗܫܐ ܕܝܢ ܩ̣ܪܒܘ ܚܛܗ̈ܝܟ ܗ̇ܢܘܢ ܕܥ̇ܒܕ ܗ̣ܘܝܬ ܡܢ ܩܕܡ
ܙܒܢܐ
53 ܕܕܐ̇ܢ ܗ̣̇ܘܝܬ ܕܝܢ̣ܐ ܕܥܘ̣ܠܐ. ܘܠܙܕܝܩ̈ܐ̣ ܡ̇ܚܝܒ ܗ̣ܘܝܬ. ܘܡܘܒܕ ܗ̣ܘܝܬ
ܠܡܟܝ̈ܟܐ. ܘܠܚܝ̈ܒܐ̣ ܡ̇ܙܟܐ ܗ̣ܘܝܬ. ܘܠܙܟ̈ܝܐ ܡ̇ܚܝܒ ܗ̣ܘܝܬ
54 ܗܫܐ ܕܝܢ ܗܕܐ̣. ܐܡ̣ܪܘ ܠܝ ܩܕܡ ܟܠܗ̇ ܟܢܘܫܬܐ ܗܕܐ̣. ܬܚܝܬ ܐ̇ܝܢܐ ܡܢ ܐܝ̈ܠܢܐ
ܚ̣ܙܝܬ ܠܗܕܐ̇. ܘܠܗ̇ܘ ܥܠܝܡܐ ܟܕ ܕܡܟܝܢ ܐܟܚܕܐ̣. ܐܡ̇ܪ ܠܗ ܗ̇ܘ ܩܫܝܫܐ ܬܚܝܬ ܦܣܬܩܐ
55 ܐܡ̇ܪ ܠܗ ܕܢܝܐܝܠ ܗܕܐ ܕܝܢ ܕܥ ܕܐܢ ܒܫܪܪܐ ܕܓܠܬ ܒܪܝܫܟ ܣ̇ܠܩܐ. ܥ̇ܬܝܪ ܗܘ ܓܝܪ
ܡܠܐܟܗ ܕܐܠܗܐ ܕܩ̇ܒܠ ܦܘܩܕܢܐ ܡܢ ܩܕܡ ܐܠܗܐ̣. ܕܢܨܪܝܟ ܡܢ ܪܝܫ̣ ܠܪܝܫ̣ ܀
56 ܘܒܬܪܟ̣ܢ ܩ̣ܪܐ ܠܗ̇ܘ ܐܚܪܢܐ ܚܒܪܗ̣. ܘܐܡ̣ܪ ܠܗ ܘܐܦ ܠܗ̇ܘ. ܙܪܥܗ ܕܟܢܥܢ ܘܠܐ
ܕܝܗܘܕܐ̣. ܫܘܦܪܗ̇ ܗܘ ܕܗܕܐ ܫ̣ܥܒܕܟ ܘܪܓܬܗ̇. ܗ̇ܦ̣ܟܬ ܠܒܟ
57 ܗܟܢܐ ܥ̇ܒܕܝܢ ܗ̣ܘܝܬܘܢ ܠܒܢ̈ܬ ܐܝܣܪܝܠ. ܘܗ̈ܢܝܢ ܥ̇ܒ̈ܕܢ. ܗ̈ܘܝ ܨܒܝ̈ܢ̇ܝܟܘܢ
ܒܝܫ̣̈ܐ ܡܢ ܕܚܠܬܗܝܢ
58 ܐܢܬ ܕܝܢ ܐܡ̣ܪ ܠܝ ܩܕܡ ܟܠܗ̇ ܟܢܘܫܬܐ ܗܕܐ. ܬܚܝܬ ܐܝ̇ܢܐ ܡܢ ܐܝ̈ܠܢܐ ܚܙܝܬܘܢ
ܐܢܘܢ ܠܗܕܐ ܘܠܗ̇ܘ ܥܠܝܡܐ. ܕܕܡ̈ܟܝܢ ܐܟܚܕܐ. ܥܢ̣ܐ ܘܐܡ̣ܪ ܩܕܡ ܟܠܗ̇ ܟܢܘܫܬܐ.
ܬܚܝܬ ܪܘܡܢܐ. ܘܩܥ̣ܬ ܟܠܗ̇ ܟܢܘܫܬܐ ܒܩܠܐ ܪܡ̇ܐ̣ ܐܟܚܕܐ. ܘܫ̇ܒܚܘ ܠܡܪܝܐ ܓܠܐ
ܟܣܝ̈ܬܐ. ܘܝܗ̇ܒ ܠܙ̣ܟ̇ܝܐ ܐܝܟ ܙܟܝܘܬܗ̣. ܘܦܪܥ ܠܥ̇ܘ̈ܠܐ̣. ܘ̣ܝܗ̇ܒ ܐܘܪܚܗ ܒܪܫܗ
59 ܐܡ̇ܪ ܠܗ ܕܢܝܐܝܠ. ܒܫܪܪܐ ܥܘܠܐ ܡܠܠ̣ܬ ܩܕܡ ܡܪܝܐ ܥܠ ܗܕܐ ܚܠܫܬܐ. ܘ̣ܨܒܝܬܘܢ
ܠܡܐܫܕ ܕܡܐ ܙܟ̇ܝܐ. ܒܥܘ̣ܠܐ. ܗܫܐ ܕܝܢ ܒܫܬܟ ܒܪܫܟ ܣ̇ܠܩܐ. ܐܝܟ ܕܟܬܝܒ ܒܢܡܘܫܐ
ܕܡܘܫܐ. ܗܐ ܓܝܪ ܡܠܐ̇ܟܗ ܕܐܠܗܐ ܐܫܬܠܚ ܥܠܝܟ̣. ܘܐܚܝܕ ܚܪܒܐ ܒܐܝܕܗ. ܕܢܨܪܝܟ ܡܢ
ܪܝܫ ܠܪܝܫ. ܘܢܘܒܕ ܠܬܪ̈ܝܟܘܢ̣ ܐܟܚܕܐ̣
60 ܘܥ̣ܢܬ ܟܠܗ̇ ܟܢܘܫܬܐ ܒܩܠܐ ܪܡܐ ܘܐܡ̣ܪܬ ܐܟܚܕܐ. ܫܘܒܚܐ ܠܐ̣ܠܗܐ ܕܐܚܝ ܠܟܠ.
ܕܗܝܡܢܘ ܒܫܡܗ
61 ܘܐܟܣ ܐܢܘܢ ܕܢܝܐܝܠ ܒܛܠܘܡܝܐ ܕܛܠܡܘ. ܘܩܡ̣ܬ ܥܠܝܗܘܢ ܟ̣ܘܠܗ̇ ܟܢܘܫܬܐ
62 ܘܥ̣ܒܕܘ ܠܗܘܢ ܐܝܟ ܦܘܩܕܢܗ ܕܡܘܫܐ̣ ܘܩ̣ܛܠܘ ܐܢܘܢ. ܘܐܗܦܟ ܠܗܘܢ ܡܪܝܐ ܦܘܪܥܢܘܬܐ
ܒܝ̣ܫܬܐ̣. ܐܝܟ ܕܫ̇ܘܝܢ. ܘܚ̣ܝܐ ܕܡܐ ܙܟܝܐ ܒܝܘܡܐ ܗ̇ܘ܀܀
63 ܗܠܩܢܐ ܕܝܢ ܘܐܢܬܬܗ̣. ܚܕܝܘ ܒܒܪܬܗܘܢ ܫܘܫܢ̇. ܐܢܬܬܗ ܕܝܘܝܩܝܡ̇. ܕܠܐ ܐܫܬܟܚ
ܒܗ̇ ܣܘܪܚܢܐ. ܘܫܒܚܘ. ܠܐܠܗܐ ܟܘܠܗ ܥܡܐ̣. ܘܟܠܗ̇ ܫܪܒܬܗ̇. ܕܫܘܫܢ̇. ܕܐܫܬܩܠ
ܫܡܐ ܕܣܘܪܚܢܐ ܡܢܗܘܢ̇