/
236.vro.txt
20 lines (18 loc) · 2.6 KB
/
236.vro.txt
1
2
3
4
5
6
7
8
9
10
11
12
13
14
15
16
17
18
19
20
Uma Pido lavastaja konkurss
Otsitas takan viiendä Uma Pido lavastajat! Minkast är’ tunnõt: - saa arvo võro keelest; viil parõmb – mõist võro kiilt kõnõlda’ - tund lõunaeestläisi kultuuri vai taht tuud hindäle selges tetä’ - mõist inemiisiga läbi saia’ ja ütte tüütädä’ - arvas, et ilmaelo ja võrokõsõ arvosaaminõ tuust om üts kistumalda põnnõv asi ja taht tuud viiendä Uma Pido lavastusõn vällä näüdädä’ - mõist vällä märki’, kuis saasi’ pidol ütevõrra hää olla’ ülesastjil ja kaejil, nii et egäüts tunnõsi är’, et taa om kõigi ütine pido - tiid, kuis panda’ pido kõnõlõma rahva valit repertuaariga - tiid, kuis pido kõgõ parõmbahe tähistäsi võrokeelitse laulupido viiendät ja Eesti Vabariigi saandat sünnüpäivä.
- mõist vällä üldä’ võrokeelidse sõna „lõhmussõhäitsmetsäi“.
Kiä om säänest inemist trehvänü?
Andkõ’ teedä’!
Pikembält loe’ tast edesi: Hää inemine, arvada’ olõt Sa kuulnu joba neläl kõrral (2008 Võrol, 2010 Põlvan, 2013 Võrol, 2016 Põlvan) olnu võrokeelitsest laulu- ja rahvapidost Uma Pido.
V Uma Pido tulõ Võrol Kubija laululaval 2. juunil 2018.
Pido kõrraldustoimkund otsust´ sammamuudu nigu inne eelmäidsi pitõ ka seokõrd kõrralda’ lavastaja löüdmises konkursi.
Ku Sa tahassi V Umma Pito lavalõ säädi’, sõs oodami Sult ildampa 31. märtsis 2017 kirja, kon kõnõlõt umast lavastusideest, miä pruuk joba ettevalmistõdu asju: - võrokeelitse laulupido 5. ja Eesti Vabariigi 100. sünnüpäiv - veebruarin-märtsin avaligul rahvahääletüsel varatsõmbi pitõ laulõ põh´al valitav pido repertuaar.
Mi tahassi kuulda’ ka, kedä mõtlõt miiskunda üten kutsu (kunstnik, liikmisjuht, kuurõ üldjuht vms).
Lavastaja põhitüü olõs pido pääkontsõrdi lavalõsäädmine, a oodõtas häämeelega ka mõttit pido pääväprogrammi, rongikäügi ja kõgõ muuga köüdetült – kõik tuu hääs, et pido olõs kõnõkas ja inemiisi ütenhaardva tervik.
Ku tunnõt, et tahat saia’ teedüst mano’, sõs otsi’ tuud Uma Pido kodoleheküle päält www.umapido.ee, küsü’ aadrõsi triinu.ojar@wi.ee vai telefoni 533 22 153 päält.
Ku Sa arvat, et uma kontseptsiooni vällämõtlõmisõ man avitasi Sinnu varatsõmbist pitõst tett filmi’, sõs lepimi kokko, kuis Sa noid kaia’ saassi.
Toimkunna esindäjä’ tegevä’ otsussõ 6. aprillil Võrol.
Ku olõt uma kandidatuuri üles säädnü, sõs ku saat, panõ’ hinnäst valmis näidega kokkosaamisõs.
Kelläao ja kotussõ annami teedä’.
Hääd vällämärkmist!
V Uma Pido toimkunna nimel Triinu Laan Uma Pido projektijuht