etcsl-transliteration-normalised.dat

iri kugkugam ene bamenzen kur dilmun kugam kiengi kuga ene bamenzen kur dilmun kugam kur dilmun kugam kur dilmun sikilam kur dilmun sikilam kur dilmun dadagam
dilinine dilmuna ubinu ki enki damanida bandanuaba kibi sikilam kibi dadagam dilinine dilmuna ubinu ki enki ninsikila bandanuaba kibi sikilam kibi dadagam
dilmuna uga gugu numunibe dare gu dare numunibe urgula saj jic nubrara urbarake sila nubkare urgir mac gamgam nubzu cah ce gugue nubzu
numunsu munu ura baragaba mucene ana munubi nangue tume saj numundaRUe
igigige igigigmen numunibe sajgige sajgigmen numunibe umabi umamen numunibe ababi abamen numunibe kisikil a nutuani iria numunibsige lu ida bale jide numunibe nijire zagana numnijinijin
nare elulam numunibe zag irika ilu numunibe
ninsikila ani enkira gu munade iri muecum iri muecum namju cumazu dilmun iri muecum iri muecum namju cumazu muecum iri muecum namju cumazu
iri kar ida nuntukua muecum iri muecum namju cumazu iri acag agar absin nuntukua
utu ana gube gir DUa gaba EZENnata esuhur si nannata ka a kia DU.DUta a dug kita
jiriman galaza a hemtaede irizu a hejala humuranana dilmun a hejala humuranana pu a sisazu pu a duga hem irizu egun kara kalamaka hea dilmun egun kara kalamaka hea
inec utu ud nea utu ana gube gir DUa gaba EZENnata esuhur si nannata ka a kia DU.DUta a dug kita munaraDU
jiriman galana a imtaede irini a hejala imtanana dilmun a hejala imtanana pu a sisani pu a duga nanam acag agar absinani ce Defective irini egun kara kalamaka nanam dilmun egun kara kalamaka nanam inec utu ud nea ur henanama
dilini jectuge tukua nintur ama kalamace enkike jectuge tukua nintur ama kalamace jicani ega bancindune jicani gia girgire bancigirgire jicani barce mahe cabaranzizi gu binde ambara lu numundabe
enkike gu binde zi ana ipad nua ambara nua ambara girizal enkike a damgalnunakani minindug ninhursajake a caga baninri a caga cu baninti a enkikaka
ud NUMBam itid NUMBani ud NUMBam itid NUMBani ud NUMBam itid NUMBani ud NUMBam itid NUMBani ud NUMBam itid NUMBani ud NUMBam itid NUMBani ud NUMBam itid NUMBani ud NUMBam itid NUMBani ud NUMBam itid NUMBani itid namunusaka i ligin i ligin ihenunagin nintur ama kalamaka i ligin ninisig intud
ninisig gu idake ceminibe enkike ambara imdala ene imdala ene sukkalani isimude gu munade lutur sagae ne numunsube ninisig sagae ne numunsube sukkalani isimude munanibgigi lutur sagae ne numunsube ninisig sagae ne numunsube lugalju imdirig gari imdirig gari
jirini NUMBa ma bingub NUMBkama barima namingub gaba imantab ne imansub enkike a caga baninri a caga cu baninti a enkikaka ud NUMBam itid NUMBam ud NUMBam itid NUMBam ud NUMBam itid NUMBam itid namunusaka i ligin i ligin ihenunagin ninisig i ligin i ligin ihenunagin ninkura intud
ninkura gu idake ceminibe enkike ambara imdala ene imdala ene sukkalani isimude gu munade lutur sagae ne numunsube ninkura sagae ne numunsube sukkalani isimude munanibgigi lutur sagae ne subumani ninkura sagae ne subumani lugalju imdirig gari imdirig gari
jirini NUMBa ma bingub NUMBkama barima namingub gaba imantab ne imansub enkike a cag baninri a caga cu baninti a enkikaka ud NUMBam itid NUMBani ud NUMBam itid NUMBani itid namunusaka i ligin i ligin ihenunagin ninkura i ligin i ligin ihenuna uttu munus NIbuluj intud
ninture uttura gu munade na gaede na deju hedab inim garabdug inimjuce jectugzu lu NUMBam ambara imdala ene imdala ene enkike ambara imdala ene imdala ene igi Defective uttu munus NIbuluj cagza
ukuc Defective deum hachur gu ululba deum jectin garanba deum ea samanju hedab enkike samanju hebindab
NUMBkama a sisidani eg a binsi pa a binsi kislah a binsi nukiri sahara hulana guni guda imcinlaede abamen kiri
enkike Defective ukuc surana imanande hachur gu ululba imanande jectin garanba imanande urani binsisi
enkike igini imansigsig jidru cu bindu enkike uttura jiri imangub ena aldubdube jalu jalu abamen zaemen je nukiri ukuc hachur jectin heamce gamurabcum uttu cag hulanita e jal bantaka enkike uttura munus NIbuluj ukuc surana banabcumu hachur gu ululba banabcumu jectin garanba banabcumu kac ban gula
uttu munus NIbuluj gabu munabsige cu munasage enkike uttura ul imaninti gaba cu imindab urana nua hac muntagtage cu muntagtage gaba cu imindab urana nua lutur jic imindu ne imaninsub enkike uttu a cag muninri a caga cu bacinti a enkikakam
uttu munus saga a hacju ime a barju a cabaju ime ninhursaja a hacta bantagtag
ujic imanmu ulal imanmu usara imanmu A.NUMUN imanmu atutu imanmu actaltal imanmu Defective imanmu amharu imanmu
enkike ambara imdala ene imdala ene sukkalani isimude gu munade u je nambi libitare anam ne anam ne
sukkalani isimude munanibgigi lugalju ujic munabe munakude bague lugalju ulal munabe munabure bague lugalju usara munabe munakude bague lugalju A.NUMUN munabe munabure bague
lugalju atutu munabe munakude bague lugalju actaltal munabe munabure bague lugalju Defective munabe munakude bague lugalju amharu munabe munabure bague enkike u nambi bintar cagba baninzu
ninhursajake mu enki namerim bankud ibi najtila ena baugea ibi baranbaren anunakene saharta imindurunₓnec ka enlilra munadabe je ninhursaja muecitumun anam nijbaju enlile ka munanibgigi zae ninhursaja muetumunam irija NUMB jicgana garidu muzu hepade
ka suni NUMBam imanpecpec sikini NUMBam imanburbur igini NUMBam cembizid binjar
nibruce mujenen enlil urimce mujenen nanna larsamce mujenen utu unugce mujenen inana imea ziju Defective ninhursaja
ninhursajake e kac imandug anunakene tugani bandabec imanakec nam imantarec cu imanburuc ninhursajake enki galana banintuc cu barba
cecju anazu aragig ugudilimju magig abu imarantud cecju anazu aragig pa sikiju magig ninsikila imarantud cecju anazu aragig giriju magig ningiriutud imarantud cecju anazu aragig kaju magig ninkasi imarantud
cecju anazu aragig ziju magig nazi imarantud cecju anazu aragig aju magig azimua imarantud cecju anazu aragig tiju magig ninti imarantud cecju anazu aragig zagju magig ensag imarantud
didilala batudenac nijba namla abu lugal u hea ninsikila en magana hea ningiriutud ninazu habantukutuku ninkasi nij cag si hea nazi umundara habantukutuku azimua ninjiczida habantukutuku ninti nin itide hea ensag en dilmuna hea