minquestions.html

<p style="text-align: center; font-weight: bold">Ang Minimum na Bilang 
ng Tanong sa isang Aralin</p>

<p>Kapag ang aralin ay naglalaman ng isa o mahigit pang <i>Manghad ng 
Sanga</i>, dapat itakda ng guro ang parameter na ito.  Ang halaga nito 
ay nagtatakda ng ibabang limitasyon sa bilang ng tanong na makikita 
kapag kinuwenta ang marka.  <b>Hindi</b> nito pinipilit ang mga 
mag-aaral na sagutin ang ganoong dami ng tanong sa aralin.</p>

<p>Halimbawa, ang pagtatakda ng parameter na ito sa, sabihin nating, 20, 
ay magtitiyak na ang mga marka na ibibigay ay parang nakakita na 
<b>kahit man lamang</b> ng ganitong dami ng tanong ang mag-aaral.  Sa 
kaso halimbawa ng isang mag-aaral na tumingin lamang sa isang sanga sa 
aralin na may, sabihin nating, 5 pahina at sinagot niya ang mga kaugnay 
nitong tanong nang wasto.  Tapos ay pinili niyang tapusin ang aralin 
(ipalagay natin na may ganoong opsiyon sa &quot;tuktok na antas&quot; ng 
<i>Manghad ng Sanga</i>, isang makatwirang pag-aakala).  At kung ang 
parameter na ito ay di-itinakda, ang marka nila ay magiging 5 sa 5, 
alalaong baga'y 100%.  Subali't, kung nakatakda ito sa 20, ang marka 
nila ay liliit sa 5 sa 20, o 25%.  Sa kaso ng isa pang mag-aaral na 
dumaan sa lahat ng sanga at tiningnan ang, sabihin natin na, 25 pahina 
at sinagot nang tama ang lahat maliban sa dalawa sa mga tanong, ang 
marka niya ay magiging 23 sa 25, o 92%.</p>

<p>Kapag ginamit ang parameter na ito, ang panimulang pahina ng aralin 
ay magsasabi ng mga bagay na katulad nito:</p>

<blockquote>Sa araling ito, inaasahan na tatangkain mong sagutin ang 
kahit man lamang <i>n</i> na tanong.  Maaari kang sumagot ng mas marami 
kung ibig mo.  Magkagayonman, kung ang pagsagot mo ay mas mababa sa 
<i>n</i> na tanong, ang marka mo ay kukuwentahin na parang sumagot ka ng 
<i>n</i>.</blockquote>

<p>Siyempre, dito ang &quot;n&quot; ay papalitan ng aktuwal na halaga  na 
ibinigay sa parameter na ito.</p>

<p>Kapag ang parameter na ito ay itinakda, ang mga mag-aaral ay 
sasabihan kung ilang tanong ang sinagutan nila at kung ilan ang 
inaasahang sagutan nila.</p>