adblocker.ftl

# This Source Code Form is subject to the terms of the Mozilla Public
# License, v. 2.0. If a copy of the MPL was not distributed with this
# file, You can obtain one at https://mozilla.org/MPL/2.0/.


### URL: https://www-dev.allizom.org/firefox/features/adblocker/

features-adblocker-how-to-block-annoying = Kak móžośo gramne wabjenje z wabjeńskim blokěrowakom blokěrowaś
features-adblocker-how-to-stop-seeing-too = Tak tomu zajźujośo, až se pśewjele wabjenja pokazuju a pśedewześa online slěduju. Rozpokazanje za blokěrowanje wabjenja we wobglědowaku { -brand-name-firefox }.
features-adblocker-the-ad-blocker-a-secret = Wabjeński blokěrowak - pótajmna bróń pśeśiwo gramnemu wabjenjeju.
features-adblocker-so-many-ads-so-little = Tak wjele wabjenja, tak mało sćerpnosći… Jo cas, błaznosć skóńcyś.
features-adblocker-the-average-person-sees = Pśerězna wósoba w pśerězku 4.000 wabjenjow na źeń wiźi. Jolic měniśo, až to jo pśejwele, jo wabjeński blokěrowak waš nejlěpšy pśijaśel.
features-adblocker-an-ad-blocker-is-a-piece = Blokěrowak wabjenja jo program, z kótarymž móžośo wabjenje blokěrowaś a funkcioněruju na dwě wašni. Prědna wašnja jo, až se wabjenje nigda na wašom boku njepokazujo, gaž blokěrowak wabjenja signal ze serwera wabjarja blokěrujo. Druga wašnja, na kótaruž blokěrowaki wabjenja funkcioněruju, jo, až se wótrězki websedła blokěruju, kótarež mógli wabjenje byś.
# Variables:
#   $firefox (url) - link to https://www.mozilla.org/firefox/new/
#   $addons (url) - link to https://blog.mozilla.org/firefox/ad-blocker-roundup-5-adblockers-that-improve-your-internet-experience/
features-adblocker-these-ads-might-be-loud = Toś to wabjenje mógło głosne wabjeńske wideo, wabjenje, kótarež wam we webje slědujo, pśeslědowaki, cookieje tśeśich póbitowarjow a wěcej byś. Aby blokěrowak wabjenja wužywał, móžośo za dodankami blokěrowakow wabjenja pytaś, kótarež su za waš wobglědowak k dispoziciji. <a href="{ $firefox }">{ -brand-name-firefox }</a>, na pśikład, ma <a href="{ $addons }">toś tu lisćinu pśizwólonych dodankow blokěrowakow wabjenja</a>. Klikniśo na toś tu lisćinu (abo blokěrowaki wabjenja, kótarež su pśizwólone za waše wobglědowak) a glědajśo, kótary wašym pótrjebnosćam wótpowědujo.
features-adblocker-find-the-right-ad-blocker = Namakajśo pšawy wabjeński blokěrowak za sebje
# Variables:
#   $url (url) - link to https://addons.mozilla.org/firefox/addon/adblocker-ultimate/
features-adblocker-theres-adblocker-ultimate = Dajo na pśikład <a href="{ $url }">AdBlocker Ultimate</a>, kótaryž kužde wabjenje wótwónoźujo, ale kupce muse glědaś. Někotare z wašych nejlubšych casnikow a magacinow su wótwisne wót wabjenja. Pśewjele luźi, kótarež jich wabjenje blokěruju, mógli je z pśekupowanja wutłocyś.
# Variables:
#   $url (url) - link to https://addons.mozilla.org/firefox/addon/popup-blocker/
features-adblocker-popup-ads-are-the-worst = Wuskokujuce wabjenje jo nejgórše. Blokěrujśo jo z <a href="{ $url }">blokěrowakami wuskokujucych woknow</a> a njetrjebaśo se wěcej nigda wó gramne wabjenje staraś.
# Variables:
#   $url (url) - link to https://addons.mozilla.org/firefox/addon/adblock-for-firefox/
features-adblocker-one-of-the-most-popular = Jaden z woblubowanych wabjeńskich blokěrowakow za { -brand-name-chrome }, { -brand-name-safari } a { -brand-name-firefox } jo <a href="{ $url }">AdBlock</a>. Wužywajśo jen, aby wabjenje na { -brand-name-facebook }, { -brand-name-youtube } a { -brand-name-hulu } blokěrował.
features-adblocker-create-a-tracker-free = Napórajśo conu bźez pśeslědowaka z blokěrowanim wopśimjeśa
# Variables:
#   $privacy (url) - link to https://restoreprivacy.com/firefox-privacy/
#   $blocking (url) - link to https://support.mozilla.org/kb/content-blocking
features-adblocker-on-firefox-you-can-use = W { -brand-name-firefox } móžośo nastajenja <a href="{ $privacy }">priwatnosći</a> abo <a href="{ $blocking }">blokěrowanja wopśimjeśa</a> wužywaś, aby wěcej kontrole nad wabjeńskimi pśeslědowakami dostał, kótarež wam wabjenje prezentěruju.
features-adblocker-choose-your-level-of-protection = Wubjeŕśo šćitny schójźeńk
features-adblocker-go-easy-with-standard = Cyńśo se lažko ze standardnym modusom
# Variables:
#   $url (url) - link to https://www.mozilla.org/firefox/features/private-browsing/
features-adblocker-if-ads-dont-bother-you = Jolic wabjenje wam njewobuzujo a njewucynijo wam, až pśeslědowaki a cookieje tśeśich póbitowarjow wam slěduju, móžośo standardny modus wužywaś. Aby pśeslědowaki w standardnem modusu wótbył, wužywajśo <a href="{ $url }">priwatne wokno</a>.
features-adblocker-get-tough-with-strict = Spiwajśo druge štucki ze striktnym modusom
features-adblocker-if-seeing-too-many-ads = Jolic wam pśewjele wabjenja waš źeń ruiněrujo, se striktny modus lěpjej góźi. Toś ten modus znate pśeslědowaki a cookieje tśeśich póbitowarjow we wšych woknach { -brand-name-firefox } blokěrujo.
features-adblocker-do-it-yourself-custom = Wužywajśo swójski modus
features-adblocker-the-custom-setting-gives = Modus Swójski dajo wam ultimatiwnu wólbu. Móžośo rozsuźiś, což cośo blokěrowaś, na pśikład pśeslědowaki, cookieje a wěcej. Jolic cookieje z websedła dowólujośo, se awtomatiski modus Swójski wužywa.
features-adblocker-cover-your-trail-block = Zatrějśo swój slěd, blokěrujśo pśeslědowaki
features-adblocker-click-on-the-trackers = Klikniśo na kašćik Pśeslědowaki a móžośo pśeslědowaki na dwě wašni blokěrowaś. Jadna wašnja, aby pśeslědowaki blokěrował, jo, gaž w priwatnem woknje źěłaśo. Druga wašnja, aby to cynił, jo, pśeslědowaki we wšych woknach blokěrowaś. Źiwajśo na to, až, jolic se rozsuźujośo, pśeslědowaki pśecej blokěrowaś, někotare boki njemógli se korektnje zacytaś.
features-adblocker-take-a-bite-out-of-cookies = Kusniśo do cookiejow
# Variables:
#   $url (url) - link to https://support.mozilla.org/kb/storage
features-adblocker-cookies-are-sent-by-websites = <a href="{ $url }">Cookieje</a> se wót websedłow sćelu, ku kótarymž woglědujośo. Składuju se na wašom licadle a doglěduju, což na sedle gótujośo. Gaž lětaŕstwowe towaristwo płaśizny za was pówušujo, dokulaž sćo se na toś tom dnju tiket za lěśenje woglědał, jo to źěło cookieja.
features-adblocker-in-firefox-you-can-block = Móžośo we { -brand-name-firefox } wšykne cookieje tśeśich póbitowarjow blokěrowaś, abo jano te, kótarež pśeslědowaki stajaju. Buźćo se wědobny, až blokěrowanje wšych cookiejow móžo někotare sedła wobškóźiś.
features-adblocker-send-a-do-not-track-signal = Sćelśo signal „Njeslědowaś“
# Variables:
#   $url (url) - link to https://support.mozilla.org/kb/how-do-i-turn-do-not-track-feature
features-adblocker-if-you-dont-want-your = Jolic njocośo, až se wašo zaźaržanje za wabjenje wužywa, móžośo nastajenje { -brand-name-firefox } <a href="{ $url }">Njeslědowaś</a> zmóžniś, aby websedłam zdwórliwe „ně, źěkujom se“ pósłał. Wobźělenje jo dobrowólne, ale websedła, kótarež se wobźěluju, ned slědowanje skóńcyju.
features-adblocker-speed-up-thanks-to-ad = Malsnjejšy z pomocu wabjeńskich blokěrowakow
features-adblocker-in-some-cases-an-ad-blocker = W někotarych padach móžo blokěrowak wabjenja pomagaś, waš wobglědowak malsnjejšy cyniś. Gaž se wabjenje zacytajo, móžo se websedło spómałšyś. Rownocasnje trajo dlej, to namakaś, což pytaśo, jolic maśo pśewjele źěła, aby dalšne wabjenje zacynił.
# Variables:
#   $url (url) - link to https://www.mozilla.org/firefox/new/
features-adblocker-if-you-want-to-learn-more-v2 = Jolic cośo wěcej wó blokěrowanju wabjenja zgóniś, su sta rozšyrjenjow za blokěrowanje wabjenja za { -brand-name-firefox } a druge wobglědowaki k dispoziciji. Jolic cośo wabjeńske blokěrowaki wopytaś, kótarež { -brand-name-firefox } wužywa, <a href="{ $url }">klikniśo how, aby wobglědowak ześěgnuł</a>, za kótaryž priwatnosć jo na prědnem městnje.