-
Notifications
You must be signed in to change notification settings - Fork 10
/
manifesto.ftl
56 lines (53 loc) · 8.48 KB
/
manifesto.ftl
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
# This Source Code Form is subject to the terms of the Mozilla Public
# License, v. 2.0. If a copy of the MPL was not distributed with this
# file, You can obtain one at https://mozilla.org/MPL/2.0/.
### URL: https://www-dev.allizom.org/about/manifesto/
# HTML page title
manifesto-the-mozilla-manifesto = Si nuguàn’ { -brand-name-mozilla }
manifesto-transparent-community = Nej chrēj yumàn’ nikō’ nadigûn’ dàj ‘iaj sun’ rugûñu’ūnj da’ gi’iaj sun guìi doj, da’ naga’uì’ hue’ê’ ngō guendâ nī guyumân ruhuô’ ni’în’ duguî’
manifesto-01 = 01
manifesto-02 = 02
manifesto-03 = 03
manifesto-04 = 04
manifesto-05 = 05
manifesto-06 = 06
manifesto-07 = 07
manifesto-08 = 08
manifesto-09 = 09
manifesto-10 = 10
manifesto-our-10-principles = <strong> nej 10 </strong> Chrēj nìko' ñûnj
manifesto-read-the-entire-manifesto = Gahiā da’ huā ngè si nuguàn’ ñûnj
manifesto-details-the-mozilla-manifesto = Si nuguàn’ { -brand-name-mozilla }
manifesto-details-introduction = Nuguan' tàj ñaan
manifesto-details-the-internet-is-becoming = Da’ achîn gui nī nahuin internet ‘ngō sa ña’an doj riña nê’.
manifesto-details-the-mozilla-project-global = Riña { -brand-name-mozilla } nī ‘iaj sun ‘ngō yi’nïn’ nìko guì anïn ruhuâ sisī da’ui internet gā ni’nïnj man, gā nakà yitïnj man nī gahuin man ‘ngō sa gi’iaj da’ gā ‘ngō sunūnj u. Huè ñûnj gayi’î ‘iaj sun âsij 1998 nī tna’uēj ñûnj da’ gi’iaj sūnūnj internet riña daran’ nê’. Ûta ni’in guìi ñûnj guendâ girirà ñûnj ‘ngō navegador gu’nàj { -brand-name-mozilla } { -brand-name-firefox }.
manifesto-details-the-mozilla-project-community = { -brand-name-mozilla } nī gi‘iaj sunj ‘ngō sun nuguan’àan da’ ga’ue girij ‘ngō software nikāj ‘ngō código huā ni’nïni ïn nī danj nānj da’ui gīrij a’ngô da’aj nej sun nuguan’àn ga’ue gahuī. Ûta ga’ì yi’nïn’ guìi ‘iaj sun ngà ñûnj yi’ì dan a’ue ûta hue’ê ‘iaj sun internet riña daran’ chre nê’.
manifesto-details-as-a-result-of = ‘Ngō sa narugui’ gi’iaj nej sun nuguan’àn nan huin sisī gahuin nùkuaj ñûnj guchrūj ñûnj ‘ngo dukuán tna’uej da’ gi’iaj sunūnj internet riña daran’ guìi, danj nanj ‘iaj sunu riña ‘ngō sun rânj du’uêj e. hìaj nī natà’ ñûnj dàj hua nej dukuán nan.
manifesto-details-the-goals-for = Nej si chrēj dukuán nan huin:
manifesto-details-articulate-a-vision = Nagi’iaj chre’ nej ñûnj daran’ chre sinuguàn’ nej duguî’ araj sun { -brand-name-mozilla } dàj anïn ruhuâ nej si gā Internet nī huê nej nuguan’ dan ganikò’ { -brand-name-mozilla-foundation }gan’an.
manifesto-details-speak-to-people = ga’min ñûnj ngà nej guìi si nikāj ni asi nitāj si nikāj ni ‘ngō formación técnica;
manifesto-details-make-mozilla-contributors = nù yikïn ñûnj na’nga ñûnj riña nej duguî’ rugûñu’ūnj riña { -brand-name-mozilla } da’ ganïn ruhuâ nej si sisī ‘ngō sun du’uē xi huin sa dugu’nïn’ ñûnj ri ñûnj da’ dugu’nïn’ sun nan gan’an ne’ ñāan; nī
manifesto-details-provide-a-framework = naga’uì’ ñûnj ‘ngō nuguan’ hue’ê riña a’ngô nej duguî’ da’ ganïn ruhuâ si dàj rû’ anïn ruhuâ ñûnj ni’in ñûnj Internet.
manifesto-details-these-principles = Nej dukuàn nan nī sê màn si gachīj ma’an ‘ngoj gan’an. Dañùn ni’ñan nej duguî’ a’nïn nimâ sisī Internet nī da’ui ga ni’nïn nī gahuin si’iaj darûn’: duguî’ huā nikā hia ruhuâ nī nihià’ ruhuâ si gi‘iaj sun nugua’àn si nī hua ruhuâ si rugûñu’ūnj si a’ngô da’āj dugui’ si. { -brand-name-mozilla-foundation } nī rikij ‘ngō si nuguàn’anj sisī da’ui digahuin daran’ chre nej nuguan’ huin ‘ngo si dukuànj { -brand-name-mozilla }. Yi’ì dan nī nakïn ñûnj a’ngô da’āj nej duguî’ ruhuâ nakāj dugui’ ngà ñûnj da’ nagi’iaj hue’ê nê’ doj Internet guendâ riña daran’ chre nê’.
manifesto-details-principles = Chrēj nikò’ ñûnj
manifesto-details-the-internet-is-integral = ‘Ngō internet huin sa rajsun ta’u’ diû hìaj, Huej ûta huāj ne’ ñaan ngà sa digân, ‘ngō sa riña a’min’ ngà duguî’, ‘ngō sa riña rûn’ nī du’uè’ nī ‘ngō sa riña duku’.
manifesto-details-the-internet-is-global = Guendâ daran’ chre guì màn riña yumiguìi huin internet yi’ì dan nī da’ui gā chre nìgan.
manifesto-details-the-internet-must = Da’ui internet nagi’iaj hue’ej doj dàj hua mân nê’ riña yumiguì nan.
manifesto-details-individuals-security = Da’ui gā rán sa ‘iaj guìi riña internet nī nitāj à’ngō sa da’ui naga’nāj ni, huê dan huin sa ña’an doj da’ui gā.
manifesto-details-individuals-must = Nej guìi nī da’ui ni ganikāj ni rà ni da’ nadunā ni dàj gā internet nī dàj gachē nu hue’ê ni doj riñanj.
manifesto-details-the-effectiveness = Dàj rugûñu’ūnj dugui’ ‘iaj sun ‘ngō nanj sa huaa(nej chrej huaa, nej dato, sa màn riñanj), sa nahuin nakàa nī dàj uchra’ da’aj nej si suun ’iaj danj ‘iaj sun hue’ê internet.
manifesto-details-free-and-open = Nej software huā chre nī nikāj ‘ngō código huā ni’nïnj ïn nī nù huin man da’ giyi’nanj ´ngō internet ga’ue gā yumàn’an.
manifesto-details-transparent-community = Nej chrēj yumàn’ nikō’ nadigûn’ dàj ‘iaj sun’ rugûñu’ūnj da’ gi’iaj sun guìi doj, da’ naga’uì’ hue’ê’ ngō guendâ nī guyumân ruhuô’ ni’în’ duguî’
manifesto-details-commercial-involvement = Nga atûj nej sa a’ue rî’ san’anj an rugûñu’unj da’ gā’ue gachīj Internet nī ûta hua sa rugûñu’un; Si nachej dugui’ij ngà sa ri’ sunuj sa yuman’an nī narikij sa nadigi’ñûn’ doj.
manifesto-details-magnifying-the = Nagi’iaj nìkô’ nej sa ‘iaj sunūj guì rigìi riña internet huin ‘ngō sa ña’an doj, nī da’uî’ naga’uì’ si diû’ da’ huê dan gaj.
manifesto-details-advancing-the = Huāj ñûnj ne’ ñāan ngà nej chrēj gānikò’ { -brand-name-mozilla }
manifesto-details-there-are-many = Ûta ga’ì hua sun gi’iô’ da’ gahui nej chrēj nikò’ { -brand-name-mozilla } gan’an ne’ ñaan. Yi’ì dan guruhuâ ta’u nej su na’níït ‘ngō si nuguàn’ant numân nī nej sun ri nej su ne’ ñaan ngà { -brand-name-mozilla } nī ngà daran’ sa rirà nej su da’ nahuin nìko gan’an. ‘Ngō nuguan’ huāj riña nej duguî’ nitāj si ‘iaj sun nìko ‘ngà { -brand-name-mozilla } huin sisī achín nì’iaj ñûnj riña nej su da’ ga’ue gachīj chrēj nan gan’an nī gi’iaj su ‘ngō sunūj u nī garasuunt dòj { -brand-name-mozilla } { -brand-name-firefox } ngà nej rasun nika nī ngà nej chrej nìkoj hua.
manifesto-details-mozilla-foundation = Si nuguàn' { -brand-name-mozilla-foundation }
manifesto-details-the-mozilla-foundation-pleges = Si nuguàn { -brand-name-mozilla-foundation } huin sisī da’ui digahuin daran’ chre nej chrēj nikò’ { -brand-name-mozilla } ngà si sunj. Sun hia gi’iaj ñûnj, huin sisī:
manifesto-details-build-and-enable = girī ñûnj nī gi’iaj sun ñûnj ngà nej tecnología nikāj ‘ngō codigo huā̄ ni’nïnj ïnj nī nakāj dugui’ ñûnj ngà nej yi’nïn’ huā nikā ruhuâ ngà nej chrēj dan;
manifesto-details-build-and-deliver = girī ñûnj nī duyinga’ ñûnj nej sa garasun’ ganikò’ nej chrēj dan;
manifesto-details-use-the-mozilla = garasun ñûnj nej si’iaj { -brand-name-mozilla } (propiedad intelectual, dàj rû’ derechos de autor nī nej marca, infraestructura, fondos nī reputación) da’ tna’uēj ñûnj da’ gahuin internet ‘ngō sa nî’nïnj ïn;
manifesto-details-promote-models = ginù huin ñûnj da’ dusiki’ ñûnj nī gahui san’ānj an da’ gi’iaj sunūj yūmanj; nī
manifesto-details-promote-the-mozilla = ginù huin ñûnj nī dusiki’ ñûnj ‘ngō chrēj nikāj { -brand-name-mozilla } riña guìi nī riña industria Internet.
manifesto-details-some-foundation = Da’aj sun ‘iaj Fundación —akuan’ nïn nan huin sisī riràj nī duguanej sa garasun’ riña internet— ‘nïnj ra’a { -brand-name-mozilla-corporation } ‘ngō sa ‘iaj sun ngà { -brand-name-mozilla-foundation } huin.
manifesto-details-invitation = Nakāj dugui' ngà ñûnj