Create 20250507.md

content/daily/2024/05/20250507.md

@@ -0,0 +1,91 @@
+---
+title: 烏洞 ê 吸積盤 kah 噴射流
+date: 2024-05-07
+publishdate: 2024-05-07T11:45:00+0800
+tags: [free2share, 烏洞, 吸積盤, 噴射流, 超新星, 巡天, 追蹤觀測, 自轉軸, 雨燕衛星, 超大質量烏洞]
+hero: https://apod.nasa.gov/apod/image/2405/BlackHole_Simonnet_960.jpg
+summary: 烏洞若是 kā 一粒恆星吞落去，會發生啥物代誌？
+---
+
+{{% apod %}}
+
+- 原始文章：[Black Hole Accreting with Jet](https://apod.nasa.gov/apod/ap240507.html)
+- 插圖來源：[NASA](https://www.nasa.gov/), [Swift](https://swift.gsfc.nasa.gov/), [Aurore Simonnet](http://auroresimonnet.com/about-me/) ([Sonoma State U.](http://www.phys-astro.sonoma.edu/))
+- 落對永遠去：[It's Black Hole Week at NASA!](https://science.nasa.gov/universe/black-hole-week/)
+- 台文翻譯：[An-Li Tsai][An-Li Tsai] ([NSYSU][NSYSU])
+
+## [漢羅] 烏洞 ê 吸積盤 kah 噴射流
+烏洞若是 kā 一粒恆星吞落去，會發生啥物代誌？
+細節 ê 部份咱毋知，毋過觀測 ê 結果有提供一寡新 ê 線索。
+2014 年，有一个 [強力爆炸][powerful explosion] 去予 [超新星自動巡天觀測計畫][All Sky Automated Survey for SuperNovae]（ASAS-SN 計畫）ê 地面機器人望遠鏡 紀錄落來。
+隨後 [NASA][NASA] 踅地球 ê [雨燕衛星][Swift satellite] kah 其他儀器，繼續做追蹤觀測。
+Tùi 發射線 做電腦模擬 ê 結果表示講，這應該是有一粒星去予遙遠 ê [超大質量烏洞][supermassive black hole] [搝甲散去][ripped apart]。
+這个相挵 ê 結果就畫 tī [這張藝術插圖][featured artistic illustration] 內底。
+[烏洞][black hole] tī 中央，是一粒細細粒 ê 烏點。
+物質若是落 tùi 烏洞去，伊會 kah 其他物質相挵，造成溫度變懸。
+烏洞周圍有一个 [吸積盤][accretion disk]，過去是恆星 ê 熱物質，另外閣有一條 tī [烏洞自轉軸][black hole's spin axis] 方向 ê [噴射流][jet]。
+
+## [POJ] O͘-tōng ê khip chek pôaⁿ kah phùn-siā lâu
+O͘-tōng nā-sī kā chi̍t-lia̍p hêng-chheⁿ thun lo̍h-khì, ē hoat-seng siáⁿ-mih tāi-chì?
+Sè-chiat ê pō͘-hūn lán m̄-chai, m̄-koh koan-chhek ê kiat-kó ū thê-kiong chi̍t-kóa sin ê sòaⁿ-soh.
+2014 nî, ū chi̍t-ê kiông-le̍k po̍k-chà khì hō͘ Chhiau-sin-seng Chū-tōng Sûn-thian Koan-chhek kè-ōe (ASAS-SN kè-ōe) ê tē-bīn ki-khì-lâng bōng-oán-kiàⁿ kì-lio̍k lo̍h-lâi.
+Sûi-āu NASA se̍h Tē-kiû ê Ú-iàn ōe-chheⁿ kah kî-thaⁿ gî-khì, kè-sio̍k chò tui-chong koan-chhek.
+Tùi hoat-siā-sòaⁿ chò tiān-náu bô͘-gí ê kiat-kó piáu-sī kóng, che èng-kai sī ū chi̍t-lia̍p chheⁿ khì hō͘ iâu-oán ê chhiau-tōa chit-liōng o͘-tōng giú kah sòaⁿ--khì.
+Chit-ê sio-lòng ê kiat-kó to̍h ōe tī chit-tiuⁿ gē-su̍t chhah-tô͘ lāi-té.
+O͘-tōng tī tiong-ng, sī chi̍t-lia̍p sè-sè-lia̍p ê o͘-tiám.
+Bu̍t-chit nā-sī lak tùi o͘-tōng khì, i ē kah kî-thaⁿ bu̍t-chit sio-lòng, chō-sêng un-tō͘ piàn koân.
+O͘-tōng chiu-ûi ū chi̍t-ê khip-chek-pôaⁿ, kòe-khì sī hêng-chheⁿ ê jia̍t-bu̍t-chit, lēng-gōa koh-ū chi̍t tiâu tī o͘-tōng chū-choán-tek hong-hiòng ê phùn-siā-lâu.
+
+## [KIP] Oo-tōng ê khip tsik puânn kah phùn-siā lâu
+Oo-tōng nā-sī kā tsi̍t-lia̍p hîng-tshenn thun lo̍h-khì, ē huat-sing siánn-mih tāi-tsì?
+Sè-tsiat ê pōo-hūn lán m̄-tsai, m̄-koh kuan-tshik ê kiat-kó ū thê-kiong tsi̍t-kuá sin ê suànn-soh.
+2014 nî, ū tsi̍t-ê kiông-li̍k po̍k-tsà khì hōo Tshiau-sin-sing Tsū-tōng Sûn-thian Kuan-tshik kè-uē (ASAS-SN kè-uē) ê tē-bīn ki-khì-lâng bōng-uán-kiànn kì-lio̍k lo̍h-lâi.
+Suî-āu NASA se̍h Tē-kiû ê Ú-iàn uē-tshenn kah kî-thann gî-khì, kè-sio̍k tsò tui-tsong kuan-tshik.
+Tuì huat-siā-suànn tsò tiān-náu bôo-gí ê kiat-kó piáu-sī kóng, tse ìng-kai sī ū tsi̍t-lia̍p tshenn khì hōo iâu-uán ê tshiau-tuā tsit-liōng oo-tōng giú kah suànn--khì.
+Tsit-ê sio-lòng ê kiat-kó to̍h uē tī tsit-tiunn gē-su̍t tshah-tôo lāi-té.
+Oo-tōng tī tiong-ng, sī tsi̍t-lia̍p sè-sè-lia̍p ê oo-tiám.
+Bu̍t-tsit nā-sī lak tuì oo-tōng khì, i ē kah kî-thann bu̍t-tsit sio-lòng, tsō-sîng un-tōo piàn kuân.
+Oo-tōng tsiu-uî ū tsi̍t-ê khip-tsik-puânn, kuè-khì sī hîng-tshenn ê jia̍t-bu̍t-tsit, līng-guā koh-ū tsi̍t tiâu tī oo-tōng tsū-tsuán-tik hong-hiòng ê phùn-siā-lâu.
+
+## [English] Black Hole Accreting with Jet
+What happens when a black hole devours a star?
+Many details remain unknown, but observations are providing new clues.
+In 2014, a [powerful explosion][powerful explosion] was recorded by the ground-based robotic telescopes of the [All Sky Automated Survey for SuperNovae][All Sky Automated Survey for SuperNovae] (Project ASAS-SN), with followed-up observations by instruments including [NASA][NASA]'s Earth-orbiting [Swift satellite][Swift satellite].
+Computer modeling of these emissions fit a star being [ripped apart][ripped apart] by a distant [supermassive black hole][supermassive black hole].
+The results of such a collision are portrayed in the [featured artistic illustration][featured artistic illustration].
+The [black hole][black hole] itself is a depicted as a tiny black dot in the center.
+As matter falls toward [the hole][the hole], it collides with other matter and [heats up][heats up].
+Surrounding the black hole is an [accretion disk][accretion disk] of hot matter that used to be the star, with a [jet][jet] emanating from the [black hole's spin axis][black hole's spin axis].
+
+## 詞彙學習（漢羅/POJ/KIP/華語/English）
+- 【烏洞】o͘-tōng/oo-tōng/黑洞/black hole
+- 【吸積盤】khip-chek-pôaⁿ/khip-tsik-puânn/吸積盤/accretion disk
+- 【噴射流】phùn-siā-liû/phùn-siā-liû/噴射流/jet
+- 【巡天】sûn-thian/sûn-thian/巡天/all sky survey
+- 【追蹤觀測】tui-chong koan-chhek/tui-tsong kuan-tshik/追蹤觀測/follow-up observation
+- 【自轉軸】chū-choán-te̍k/tsū-tsuán-ti̍k/自轉軸/spin axis
+- 【超新星】chhiau-sin-seng/tshiau-sin-sing/超新星/supernova
+- 【雨燕衛星】Ú-iàn ōe-chheⁿ/Ú-iàn uē-tshenn/雨燕衛星/Swift satellite
+- 【超大質量烏洞】chhiau-tōa chit-liōng o͘-tōng/tshiau-tuā tsit-liōng oo-tōng/超大質量黑洞/supermassive black hole
+
+{{% /apod %}}
+[An-Li Tsai]: mailto:thianbun.taigi@gmail.com
+[NSYSU]: https://phys.nsysu.edu.tw/
+
+[copyright]: https://apod.nasa.gov/apod/fap/lib/about_apod.html#srapply
+[License3]: https://creativecommons.org/licenses/by/3.0/
+[License2]:https://creativecommons.org/licenses/by-nc-nd/2.0/
+
+[powerful explosion]:http://iopscience.iop.org/article/10.3847/2041-8213/aa6003
+[All Sky Automated Survey for SuperNovae]:http://www.astronomy.ohio-state.edu/~assassin/index.shtml
+[NASA]:https://www.nasa.gov
+[Swift satellite]:https://swift.gsfc.nasa.gov/
+[ripped apart]:https://thedoorguardian.com/wp-content/uploads/2017/04/DOG-14.jpg
+[supermassive black hole]:https://apod.nasa.gov/apod/ap130312.html
+[featured artistic illustration]:https://news.mit.edu/2017/black-hole-choking-stardust-0315
+[black hole]:https://spaceplace.nasa.gov/black-holes/
+[the hole]:https://apod.nasa.gov/apod/ap220501.html
+[heats up]:http://stronggravity.eu/public-outreach-tmp/accretion-disks/
+[accretion disk]:https://apod.nasa.gov/apod/ap050312.html
+[jet]:https://apod.nasa.gov/apod/ap131120.html
+[black hole's spin axis]:https://apod.nasa.gov/apod/ap011029.html