Create 20240516.md

content/daily/2024/05/20240516.md

@@ -0,0 +1,72 @@
+---
+title: 美國 Georgia 州 ê 極光
+date: 2024-05-16
+publishdate: 2024-05-16T11:45:00+0800
+tags: [極光, 地磁風暴, 緯度, 灌溉設備, khă-tián, 太陽活跳區 AR 3664, 太陽活跳區, 翻點, 頂月眉]
+hero: https://apod.nasa.gov/apod/image/2405/WrightDobbs_Georgia_Aurora_2_1024.jpg
+summary: 這是 tī 美國 Georgia 州庄跤暗暝足熟似 ê 景色：天頂 ê 月娘 tī 西爿地平線欲落去矣。
+---
+
+{{% apod %}}
+
+- 原始文章：[Aurora Georgia](https://apod.nasa.gov/apod/ap240516.html)
+- 影像來源 kah [版權][copyright]：[Wright Dobbs](https://www.instagram.com/wrightdobbs/)
+- 極光恐龍：[報你看著 ê 極光](https://www.aurorasaurus.org/)
+- 台文翻譯：[An-Li Tsai][An-Li Tsai] ([NSYSU][NSYSU])
+
+## [漢羅] 美國 Georgia 州 ê 極光
+這是 tī 美國 Georgia 州庄跤暗暝定定看著 ê 景色：天頂 ê 月娘 tī 西爿地平線欲落去矣。
+相片是 tī 當地時間 5 月 10 號翻點進前翕--ê，因為感光時間傷長，倒爿彼粒頂月眉煞傷光。
+前景有一台長長 ê 灌溉設備，迒過 Bainbridge 市北方 24 公里遠 ê 農地面頂。
+這个 tī Georgia 州南部暗暝天頂 閃閃爍爍 ê 極光 kha-tián，確實是真罕得看著 ê 景色。
+太陽活跳區 AR 3664 最近 ê 強烈活動，引起地球極端地磁風暴，予本底干焦 tī 南北極才看會著 ê 極光，tī 頂禮拜拜六禮拜 ê 時陣，變做 tī Georgia 州南部、甚至 tī 地球閣較低緯度 ê 所在嘛看會著。
+太陽活動力若愈強，地球就會發生愈濟地磁風暴。
+
+## [POJ] Bí-kok Georgia chiu ê Ke̍k-kng
+Che-sī tī Bí-kok Georgia chiu chng-kha àm-mê tiāⁿ-tiāⁿ khòaⁿ-tio̍h ê kéng-sek: thiⁿ-téng ê goe̍h-niû tī sai-pêng tē-pêng-sòaⁿ beh lo̍k khì-ah.
+Siòng-phìⁿ sī tī tong-tē sî-kan 5 goe̍h 10 hō hoan-tiám chìn-chêng hip--ê,in-ūi kám kng Sî-kan siuⁿ tn̂g,tò-pêng hit lia̍p téng-goe̍h-bâi soah siuⁿ kng.
+Chiân-kéng ū chi̍t tâi tn̂g-tn̂g ê koàn-kài siat-pī, hāⁿ-kòe Bainbridge chhī pak-hong 24 kong-lí hn̄g ê lông-tē bīn-téng.
+Chit-ê tī Georgia chiu lâm-pō͘ àm-mê thiⁿ-téng siám-siám-sih-sih ê ke̍k-kng kha̋-tián, khak-si̍t sī chin hán-tit khòaⁿ-tio̍h ê kéng-sek.
+Thài-iông oa̍h-thiàu-khu AR 3664 chòe-kīn ê kiông-lia̍t oa̍h-tōng, ín-khí Tē-kiû ke̍k-toan Tē-chû hong-pō, hō͘ pún-té kan-na tī lâm pak-ke̍k chiah khòaⁿ-ē-tio̍h ê ke̍k-kng, tī téng-lé-pài pài-la̍k-lé-pài ê sî-chūn, piàn-chò tī Georgia chiu lâm-pō͘, sīm-chì tī Tē-kiû koh-khah kē hūi-tō͘ ê só͘-chāi mā khòaⁿ-ē-tio̍h.
+Thài-iông oa̍h-tōng-le̍k nā jú kiông, Tē-kiû to̍h ē hoat-seng jú chē tē-chû hong-pō.
+
+## [KIP] Bí-kok Georgia tsiu ê Ki̍k-kng
+Tse-sī tī Bí-kok Georgia tsiu tsng-kha àm-mê tiānn-tiānn khuànn-tio̍h ê kíng-sik: thinn-tíng ê gue̍h-niû tī sai-pîng tē-pîng-suànn beh lo̍k khì-ah.
+Siòng-phìnn sī tī tong-tē sî-kan 5 gue̍h 10 hō huan-tiám tsìn-tsîng hip--ê,in-uī kám kng Sî-kan siunn tn̂g,tò-pîng hit lia̍p tíng-gue̍h-bâi suah siunn kng.
+Tsiân-kíng ū tsi̍t tâi tn̂g-tn̂g ê kuàn-kài siat-pī, hānn-kuè Bainbridge tshī pak-hong 24 kong-lí hn̄g ê lông-tē bīn-tíng.
+Tsit-ê tī Georgia tsiu lâm-pōo àm-mê thinn-tíng siám-siám-sih-sih ê ki̍k-kng kha̋-tián, khak-si̍t sī tsin hán-tit khuànn-tio̍h ê kíng-sik.
+Thài-iông ua̍h-thiàu-khu AR 3664 tsuè-kīn ê kiông-lia̍t ua̍h-tōng, ín-khí Tē-kiû ki̍k-tuan Tē-tsû hong-pō, hōo pún-té kan-na tī lâm pak-ki̍k tsiah khuànn-ē-tio̍h ê ki̍k-kng, tī tíng-lé-pài pài-la̍k-lé-pài ê sî-tsūn, piàn-tsò tī Georgia tsiu lâm-pōo, sīm-tsì tī Tē-kiû koh-khah kē huī-tōo ê sóo-tsāi mā khuànn-ē-tio̍h.
+Thài-iông ua̍h-tōng-li̍k nā jú kiông, Tē-kiû to̍h ē huat-sing jú tsē tē-tsû hong-pō.
+
+## [English] Aurora Georgia
+A familiar sight from Georgia, USA, the Moon sets near the western horizon in this rural night skyscape.
+[Captured on May 10][Captured on May 10] before local midnight, the image overexposes the Moon's bright waxing crescent at left in the frame.
+A long irrigation rig stretches across farmland about 15 miles north of the city of Bainbridge.
+[Shimmering curtains of aurora][Shimmering curtains of aurora] shine across the starry sky, definitely an unfamiliar sight for southern Georgia nights.
+Last weekend, extreme geomagnetic storms triggered by the recent intense activity from solar active region [AR 3664][AR 3664] brought [epic displays of aurora][epic displays of aurora], usually seen closer to the poles, to southern Georgia and even lower latitudes on planet Earth.
+[As solar activity][As solar activity] ramps up, more storms are possible.
+
+## 詞彙學習（漢羅/POJ/KIP/華語/English）
+- 【極光】ke̍k-kng/ki̍k-kng/極光/aurora
+- 【地磁風暴】tē-chû hong-pō/tē-tsû hong-pō/地磁風暴/geomagnetic storm
+- 【緯度】hūi-tō͘/huī-tōo/緯度/latitudes
+- 【灌溉設備】koàn-kài siat-pī/kuàn-kài siat-pī/灌溉設備/irrigation rig
+- 【khă-tián】khă-tián/kha̋-tián/布簾/curtain
+- 【太陽活跳區】thài-iông oa̍h-thiàu-khu/thài-iông ua̍h-thiàu-khu/太陽活躍區/active region
+- 【AR 3664】AR sam-lio̍k-lio̍k-sù/AR sam-lio̍k-lio̍k-sù/AR 3664/AR 3664
+- 【翻點】hoan-tiám/huan-tiám/半夜/midnight
+- 【頂月眉】téng-goe̍h-bâi/tíng-gue̍h-bâi/上弦月/waxing crescent
+
+{{% /apod %}}
+[An-Li Tsai]: mailto:thianbun.taigi@gmail.com
+[NSYSU]: https://phys.nsysu.edu.tw/
+
+[copyright]: https://apod.nasa.gov/apod/fap/lib/about_apod.html#srapply
+[License3]: https://creativecommons.org/licenses/by/3.0/
+[License2]:https://creativecommons.org/licenses/by-nc-nd/2.0/
+
+[Captured on May 10]:https://www.instagram.com/wrightdobbs/p/C63j2QrrYSJ/
+[Shimmering curtains of aurora]:https://www.youtube.com/watch?v=Jt_XvnVrDco
+[AR 3664]:https://apod.nasa.gov/apod/ap240515.html
+[epic displays of aurora]:https://www.facebook.com/media/set?set=a.431368006258449&type=3
+[As solar activity]:https://blogs.nasa.gov/solarcycle25/