Create 20240610.md

content/daily/2024/06/20240610.md

@@ -0,0 +1,79 @@
+---
+title: Sh2-132：獅仔星雲
+date: 2024-06-10
+publishdate: 2024-06-10T11:45:00+0800
+tags: [Sh2-132, 獅仔星雲, 仙王座, 貓仔科動物, 太陽質量, 大質量恆星, 角寸尺]
+hero: https://apod.nasa.gov/apod/image/2406/LionNeb_Badr_960.jpg
+summary: 是毋是獅仔星雲才是仙王座內底上大--ê？
+---
+
+{{% apod %}}
+
+- 原始文章：[Sh2-132: The Lion Nebula](https://apod.nasa.gov/apod/ap240610.html)
+- 影像來源 kah 版權：[Imran Badr](https://www.astrobin.com/users/imranbadr/); 文稿：[Natalia Lewandowska](https://ww1.oswego.edu/physics/profile/natalia-lewandowska) ([SUNY Oswego](https://www.oswego.edu/physics/))
+- 你 ê 生日禮物：[你 ê APOD 生日相片是佗一張？](https://apod.nasa.gov/apod/calendar/allyears.html) (post 1995)
+- 台文翻譯：[An-Li Tsai][An-Li Tsai] ([NSYSU][NSYSU])
+
+## [漢羅] Sh2-132：獅仔星雲
+是毋是獅仔星雲才是 [仙王座][constellation Cepheus] 內底上大--ê？
+這个看起來敢若是一隻貓仔科動物 ê [星雲][nebula]，是 2 粒 20 倍以上 [太陽][our Sun] 質量 ê [大質量恆星][massive stars] 咧提供能量。
+星雲是 [離子氣體殼][shells of ionized gas] 湠出來--ê 結構，伊 ê 高能物質毋但會 [發光][glows]，密度嘛懸甲產生 [重力收縮，形成新 ê 恆星][gravitationally and form stars]。
+[獅仔][Lion] 星雲 ê 官方名稱是 [Sh][Sh]2-132，伊 ê 角寸尺比 [規粒月娘][full moon] 較大一屑屑仔。
+這个 [有特別外形 ê 氣體區][iconic region] 差不多是 tī 1 萬 [光年][light year] 遠 ê 所在。
+伊就 tī 仙王座內底，這是一个用 [希臘神話][Greek mythology] [Aethopia][Aethopia] 國王 ê 名 號名 ê [星座][constellation]。
+
+## [POJ] Sh2-132: Sai-á Seng-hûn
+Sī-m̄-sī Sai-á Seng-hûn chiah-sī Sian-ông-chō lāi-té siōng tōa--ê?
+Chit-ê khòaⁿ--khí-lâi káⁿ-ná sī chi̍t chiah niau-á-kho tōng-bu̍t ê seng-hûn, sī 2 lia̍p 20 pōe í-siōng thài-iông chit-liōng ê tōa-chit-liōng hêng-chheⁿ leh thê-kiong lêng-liōng.
+Seng-hûn sī lī-chú khì-thé-khak thòaⁿ--chhut lâi--ê kiat-kò͘, i ê ko-lêng bu̍t-chit m̄-nā ē hoat-kng, bi̍t-tō͘ mā koân kah sán-seng tiōng-le̍k siu-sok, hêng-sêng sin ê hêng-chheⁿ.
+Sai-á Seng-hûn ê koaⁿ-hong miâ-chheng sī Sh2-132, i ê kak-chhùn-chhioh pí kui-lia̍p goe̍h-niû khah tōa chi̍t-sut-sut-á.
+Chit-ê ū te̍k-pia̍t gōa-hêng ê khì-thé-khu chha-put-to sī tī 1 bān kng-nî hn̄g ê só͘-chāi.
+I to̍h tī Sian-ông-chō lāi-té, che-sī chi̍t-ê iōng Hi-lia̍p sîn-ōe Aethopia kok-ông ê miâ hō-miâ ê seng-chō.
+
+## [KIP] Sh2-132: Sai-á Sing-hûn
+Sī-m̄-sī Sai-á Sing-hûn tsiah-sī Sian-ông-tsō lāi-té siōng tuā--ê?
+Tsit-ê khuànn--khí-lâi kánn-ná sī tsi̍t tsiah niau-á-kho tōng-bu̍t ê sing-hûn, sī 2 lia̍p 20 puē í-siōng thài-iông tsit-liōng ê tuā-tsit-liōng hîng-tshenn leh thê-kiong lîng-liōng.
+Sing-hûn sī lī-tsú khì-thé-khak thuànn--tshut lâi--ê kiat-kòo, i ê ko-lîng bu̍t-tsit m̄-nā ē huat-kng, bi̍t-tōo mā kuân kah sán-sing tiōng-li̍k siu-sok, hîng-sîng sin ê hîng-tshenn.
+Sai-á Sing-hûn ê kuann-hong miâ-tshing sī Sh2-132, i ê kak-tshùn-tshioh pí kui-lia̍p gue̍h-niû khah tuā tsi̍t-sut-sut-á.
+Tsit-ê ū ti̍k-pia̍t guā-hîng ê khì-thé-khu tsha-put-to sī tī 1 bān kng-nî hn̄g ê sóo-tsāi.
+I to̍h tī Sian-ông-tsō lāi-té, tse-sī tsi̍t-ê iōng Hi-lia̍p sîn-uē Aethopia kok-ông ê miâ hō-miâ ê sing-tsō.
+
+## [English] Sh2-132: The Lion Nebula
+Is the Lion Nebula the real ruler of the [constellation Cepheus][constellation Cepheus]?
+This powerful feline appearing [nebula][nebula] is powered by two [massive stars][massive stars], each with a mass over 20 times greater than [our Sun][our Sun].
+Formed from [shells of ionized gas][shells of ionized gas] that have expanded, the nebula's energetic matter not only [glows][glows], but is dense enough to contract [gravitationally and form stars][gravitationally and form stars].
+The angular size of the [Lion][Lion] Nebula, officially named [Sh][Sh]2-132, is slightly greater than that of the [full moon][full moon].
+The gaseous [iconic region][iconic region] resides about 10,000 [light year][light year]s away in a [constellation][constellation] named after the King of [Aethopia][Aethopia] in [Greek mythology][Greek mythology].
+
+## 詞彙學習（漢羅/POJ/KIP/華語/English）
+- 【Sh2-132】Sh-two it-sam-jī/Sh-two it-sam-jī/Sh2-132/Sh2-132
+- 【獅仔星雲】Sai-á Seng-hûn/Sai-á Sing-hûn/獅子星雲/Lion Nebula
+- 【仙王座】Sian-ông-chō/Sian-ông-tsō/仙王座/Cepheus
+- 【貓仔科動物】niau-á-kho tōng-bu̍t/niau-á-kho tōng-bu̍t/貓科動物/feline
+- 【太陽質量】thài-iông chit-liōng/thài-iông tsit-liōng/太陽質量/solar mass
+- 【大質量恆星】tōa-chit-liōng hêng-chheⁿ/tuā-tsit-liōng hîng-tshenn/大質量恆星/massive star
+- 【角寸尺】kak-chhùn-chhioh/kak-tshùn-tshioh/角尺寸/angular size
+
+{{% /apod %}}
+[An-Li Tsai]: mailto:thianbun.taigi@gmail.com
+[NSYSU]: https://phys.nsysu.edu.tw/
+
+[copyright]: https://apod.nasa.gov/apod/fap/lib/about_apod.html#srapply
+[License3]: https://creativecommons.org/licenses/by/3.0/
+[License2]:https://creativecommons.org/licenses/by-nc-nd/2.0/
+
+[constellation Cepheus]:https://en.wikipedia.org/wiki/Cepheus_(constellation)
+[nebula]:https://en.wikipedia.org/wiki/Nebula
+[massive stars]:https://skyandtelescope.org/online-gallery/sh2-132-lion-nebula/
+[our Sun]:https://science.nasa.gov/sun
+[shells of ionized gas]:https://ui.adsabs.harvard.edu/abs/2010MNRAS.405.1976V/abstract
+[glows]:https://apod.nasa.gov/apod/ap230724.html
+[gravitationally and form stars]:https://science.nasa.gov/mission/hubble/science/science-highlights/exploring-the-birth-of-stars
+[Lion]:https://www.reddit.com/media?url=https%3A%2F%2Fi.redd.it%2Fzbf8ej9iq1b51.jpg
+[Sh]:https://ui.adsabs.harvard.edu/abs/1959ApJS....4..257S/abstract
+[full moon]:https://apod.nasa.gov/apod/ap240602.html
+[iconic region]:https://www.astrobin.com/78pnzo/0/
+[light year]:https://spaceplace.nasa.gov/light-year/
+[constellation]:https://spaceplace.nasa.gov/constellations/
+[Aethopia]:https://en.wikipedia.org/wiki/Aethiopia
+[Greek mythology]:https://www.history.com/topics/ancient-greece/greek-mythology