Create 20240524.md

content/daily/2024/05/20240524.md

@@ -0,0 +1,87 @@
+---
+title: Euclid 太空望遠鏡 翕著 ê M78
+date: 2024-05-24
+publishdate: 2024-05-24T11:45:00+0800
+tags: [M78, Euclid 太空望遠鏡, 恆星形成區, NGC 2071, 獵戶座分子雲複合體, 獵戶座皮帶]
+hero: https://apod.nasa.gov/apod/image/2405/M78_Euclid_960.jpg
+summary: 恆星形成過程可能足混亂--ê。
+---
+
+{{% apod %}}
+
+- 原始文章：[M78 from the Euclid Space Telescope](https://apod.nasa.gov/apod/ap240524.html)
+- 影像來源 kah [許可][License3]：[ESA](https://www.esa.int/), [Euclid](https://www.esa.int/Science_Exploration/Space_Science/Euclid), [Euclid Consortium](https://www.euclid-ec.org/), [NASA](https://www.nasa.gov/); 資料處理：[J.-C. Cuillandre](https://www.cfht.hawaii.edu/~jcc/) ([CEA Paris-Saclay](https://en.wikipedia.org/wiki/CEA_Paris-Saclay)), G. Anselmi
+- 天頂 ê Euclid 糖仔：[Recent images released from Euclid](https://www.esa.int/Science_Exploration/Space_Science/Euclid/ESA_s_Euclid_celebrates_first_science_with_sparkling_cosmic_views)
+- 台文翻譯：[An-Li Tsai][An-Li Tsai] ([NSYSU][NSYSU])
+
+## [漢羅] Euclid 太空望遠鏡 翕著 ê 恆星形成區 M78
+恆星形成過程可能足混亂--ê。
+為著欲了解到底有偌亂，ESA 有一台新 ê 踅太陽 ê Euclid 太空望遠鏡，最近才拄翕著 到今為止 上清楚 ê 恆星形成區 M78。
+影像中央 ê M78 kah 咱 ê 距離才差 1300 光年，而且有一个 5 光年大 ê 主要發光核心。
+這張相片是用可見光 kah 紅外光翕--ê。
+M78 中央 ê 茄仔色色調 是 烏暗塗粉 反射高溫少年恆星 ê 藍光造成--ê。
+透過這个華麗閣顯目 ê 天景，咱會當追蹤複雜 ê 塗粉帶 kah 雲絲。
+倒爿頂懸是 kah 伊相連 ê 恆星形成區 NGC 2071，正爿下跤是第 3 个 恆星形成區。
+這寡星雲攏是 獵戶座分子雲複合體 ê 一部份，咱會當用細台望遠鏡 tī 獵戶座皮帶 ê 北爿揣著伊。
+
+## [POJ] Euclid Thài-khong Bōng-oán-kiàⁿ hip--tio̍h ê Hêng-chheⁿ hêng-sêng-khu M̄8
+Hêng-chheⁿ hêng-sêng kòe-têng khó-lêng chiok hūn-loān--ê.
+Ūi tio̍h beh liáu-kái tàu-té ū gōa loān, ESA ū chi̍t tâi sin ê se̍h Thài-iông ê Euclid Thài-khong Bōng-oán-kiàⁿ, chòe-kīn chiah tú hip-tio̍h kàu-taⁿ ûi-chí siōng chheng-chhó ê hêng-chheⁿ hêng-sêng-khu M̄8.
+Iáⁿ-siōng tiong-ng ê M̄8 kah lán ê kī-lî chiah chha 1300 kng-nî, jî-chhiáⁿ ū chi̍t-ê 5 kng-nî tōa ê chú-iàu hoat-kng he̍k-sim.
+Chit-tiuⁿ siòng-phìⁿ sī iōng khó-kiàn-kng kah âng-gōa-kng hip--ê.
+M̄8 tiong-ng ê kiô-á-sek sek-tiāu sī o͘-àm thô͘-hún hoán-siā ko-un siàu-liân hêng-chheⁿ ê nâ-kng chō-sêng--ê.
+Thàu-kòe chit-ê hôa-lē koh hiáⁿ-ba̍k ê thian-kéng, lán ē-tàng tui-chong ho̍k-cha̍p ê thô͘-hún-tòa kah hûn-si.
+Tò-pêng téng-koân sī kah i sio-liân ê hêng-chheⁿ hêng-sêng-khu NGC 2071, chiàⁿ-pêng ē-kha sī tē 3 ê hêng-chheⁿ hêng-sêng-khu.
+Chit kóa seng-hûn lóng sī La̍h-hō͘-chō Hun-chú-hûn Ho̍k-ha̍p-thé ê chi̍t-pō͘-hūn, lán ē-tàng iōng sè-tâi bōng-oán-kiàⁿ tī La̍h-hō͘-chō Phôe-tòa ê pak-pêng chhōe-tio̍h i.
+
+## [KIP] Euclid Thài-khong Bōng-uán-kiànn hip--tio̍h ê Hîng-tshenn hîng-sîng-khu M78
+Hîng-tshenn hîng-sîng kuè-tîng khó-lîng tsiok hūn-luān--ê.
+Uī tio̍h beh liáu-kái tàu-té ū guā luān, ESA ū tsi̍t tâi sin ê se̍h Thài-iông ê Euclid Thài-khong Bōng-uán-kiànn, tsuè-kīn tsiah tú hip-tio̍h kàu-tann uî-tsí siōng tshing-tshó ê hîng-tshenn hîng-sîng-khu M78.
+Iánn-siōng tiong-ng ê M78 kah lán ê kī-lî tsiah tsha 1300 kng-nî, jî-tshiánn ū tsi̍t-ê 5 kng-nî tuā ê tsú-iàu huat-kng hi̍k-sim.
+Tsit-tiunn siòng-phìnn sī iōng khó-kiàn-kng kah âng-guā-kng hip--ê.
+M78 tiong-ng ê kiô-á-sik sik-tiāu sī oo-àm thôo-hún huán-siā ko-un siàu-liân hîng-tshenn ê nâ-kng tsō-sîng--ê.
+Thàu-kuè tsit-ê huâ-lē koh hiánn-ba̍k ê thian-kíng, lán ē-tàng tui-tsong ho̍k-tsa̍p ê thôo-hún-tuà kah hûn-si.
+Tò-pîng tíng-kuân sī kah i sio-liân ê hîng-tshenn hîng-sîng-khu NGC 2071, tsiànn-pîng ē-kha sī tē 3 ê hîng-tshenn hîng-sîng-khu.
+Tsit kuá sing-hûn lóng sī La̍h-hōo-tsō Hun-tsú-hûn Ho̍k-ha̍p-thé ê tsi̍t-pōo-hūn, lán ē-tàng iōng sè-tâi bōng-uán-kiànn tī La̍h-hōo-tsō Phuê-tuà ê pak-pîng tshuē-tio̍h i.
+
+## [English] M78 from the Euclid Space Telescope
+Star formation can be messy.
+To help find out just how messy, [ESA][ESA]'s new [Sun-orbiting][Sun-orbiting] [Euclid telescope][Euclid telescope] recently captured the most detailed image ever of the bright star forming region M78.
+Near the image center, [M78][M78] lies at a distance of only about 1,300 [light-year][light-year]s away and has a main glowing core that spans about 5 light-years.
+The [featured image][featured image] was taken in both [visible][visible] and [infrared][infrared] light.
+The purple tint in [M78's center][M78's center] is caused by dark [dust][dust] preferentially [reflect][reflect]ing the blue light of hot, young stars.
+Complex dust lanes and filaments can be traced through this [gorgeous and revealing][gorgeous and revealing] skyscape.
+On the upper left is associated star forming region [NGC 2071][NGC 2071], while a third region of star formation is visible on the lower right.
+These nebulas are all part of the vast [Orion Molecular Cloud Complex][Orion Molecular Cloud Complex] which can be found with even a small telescope [just north of Orion's belt][just north of Orion's belt].
+
+## 詞彙學習（漢羅/POJ/KIP/華語/English）
+- 【M78】M peh-cha̍p-chhit/M peh-tsa̍p-tshit/M78/M78
+- 【Euclid 太空望遠鏡】Euclid Thài-khong Bōng-oán-kiàⁿ/Euclid Thài-khong Bōng-uán-kiànn/歐幾里德太空望遠鏡/Euclid Space Telescope
+- 【恆星形成區】hêng-chheⁿ hêng-sêng-khu/hîng-tshenn hîng-sîng-khu/恆星形成區/star forming region
+- 【NGC 2071】NGC jī-khòng-chhit-it/NGC jī-khòng-tshit-it/NGC 2071/NGC 2071
+- 【獵戶座分子雲複合體】La̍h-hō͘-chō Hun-chú-hûn Ho̍k-ha̍p-thé/La̍h-hōo-tsō Hun-tsú-hûn Ho̍k-ha̍p-thé/獵戶座分子雲複合體/Orion Molecular Cloud Complex
+- 【獵戶座皮帶】La̍h-hō͘-chō Phôe-tòa/La̍h-hōo-tsō Phuê-tuà/獵戶座腰帶/Orion's belt
+
+{{% /apod %}}
+[An-Li Tsai]: mailto:thianbun.taigi@gmail.com
+[NSYSU]: https://phys.nsysu.edu.tw/
+
+[copyright]: https://apod.nasa.gov/apod/fap/lib/about_apod.html#srapply
+[License3]: https://creativecommons.org/licenses/by/3.0/
+[License2]:https://creativecommons.org/licenses/by-nc-nd/2.0/
+
+[ESA]:https://www.esa.int
+[Sun-orbiting]:https://sci.esa.int/web/euclid/-/29537-the-second-lagrangian-point-l2
+[Euclid telescope]:https://www.esa.int/Science_Exploration/Space_Science/Euclid
+[M78]:https://apod.nasa.gov/apod/ap210121.html
+[light-year]:https://spaceplace.nasa.gov/light-year/
+[featured image]:https://www.esa.int/ESA_Multimedia/Images/2024/05/Euclid_s_new_image_of_star-forming_region_Messier_78
+[visible]:https://science.nasa.gov/ems/09_visiblelight/
+[infrared]:https://science.nasa.gov/ems/07_infraredwaves/
+[M78's center]:https://apod.nasa.gov/apod/ap170124.html
+[dust]:https://astronomy.swin.edu.au/cosmos/D/Dust+Grain
+[reflect]:https://en.wikipedia.org/wiki/Reflection_nebula
+[gorgeous and revealing]:https://i.imgflip.com/eyvnj.jpg
+[NGC 2071]:https://en.wikipedia.org/wiki/NGC_2071
+[Orion Molecular Cloud Complex]:https://en.wikipedia.org/wiki/Orion_molecular_cloud_complex
+[just north of Orion's belt]:https://apod.nasa.gov/apod/ap150316.html