Pong Game е 2D игра во која двајца играчи контролираат „палки“ со кои одбиваат топче кон противникот. Топчето се одбива од палката и се движи кон горниот или долниот ѕид од апликацијата каде што повторно се одбида и се движи кон противничката палка. При секј удар на палката, брзината на топчето се зголемува. Доколку еден од играчите не успее да го одбие топчето(избега позади палката), тогаш противничкиот играч добива поен. Играта се игра се додека некој од играчите не освои 6 поени.
На почетокот на апликацијата се појавува прозорец во кој треба да се внесат имињата на играчите. Имињата мора да се состојат од барем една буква. По исполнување на овој услов при клик на копчето OK или пак Еnter на тастатурата се започнува со играта. Во горниот лев и горниот десен агол се прикажани имињата на играчите кои претходно биле внесени како и бројот на поени. Играчот добива поен доколку противникот не успее да го фати топчето. Играчот што изгубил поени има право да ја почне следната рунда прв(топчето се движи праволиниски кон него). Контролите на палките се доста едноставни. Левата палка се движи на копчето "w" нагоре, односно "s" надолу, додека пак десната палка се движи на копчето "i" нагоре и "k" надолу. Доколку еден од играчите победи(освои 6 поени), тогаш се прикажува текст со порака кој играч е победник и дали играчите сакаат нова игра. Со избор на "Yes" се започнува нова игра, а со избор на „No“, апликацијата се исклучува.