Neste repositorio poderás aprender máis sobre o funcionamento da forxa dun xeito práctico. A información do manual irase actualizando segundo a forxa vaia crecendo. A información básica abordará as cuestións elementais para o seu uso básico, como:
- Explorar a forxa
- Que é un repositorio
- Como facer unha achega
- Como editar un arquivo
- Rexistrarte na forxa
- Clonar un repositorio
- Facer un pull request
A forxa está deseñada usando un software chamado Gogs, que ben sendo, segundo os seus desenvolvedores un servicio Git sinxelo de usar. Podes consultar a documentación orixinal de Gogs e descargalo para a súa instalación no teu propio servidor nesta ligazón. A nosa adaptación é tamén de código aberto e podes contribuir ao seu desenvolvemento libremente no seu repositorio público: https://github.com/ForxaCoLab/forxa. Cada repositorio desta forxa terá un clon actualizado en tempo real en Github, para darlle visibilidade aos proxectos e garantir a sostenibilidade da forxa.
Gogs é moi similar á ferramenta Git máis usada pola comunidade de desenvolvedores de software de código aberto, Github, con máis de 15 millóns de usuarios e 35 millóns de repositorios. Ainda que inicialmente foi deseñada como unha ferramenta para crear software Github (e polo tanto Gogs e a nosa forxa) pódese usar para moitas outras cousas, algunhas delas descritas na entrada da Wikipedia, outros usos de Github.
Git, que foi deseñado por Linus Torvalds, a persoa que iniciou o deseño do sistema operativo Linux, é unha ferramenta de control de versións que nos permite xerar contidos colaborativamente, mantendo un control total sobre as distintas achegas que se fan e permitindo unha colaboración transparente e eficaz. Ainda que inicialmente foi deseñado como unha ferramenta para a creación de código informático Git pode usarse para moito máis, como por exemplo facer unha guía de viaxes, para compoñer unha peza musical, para compartir e modificar recetas culinarias ou para crear documentos legais, como ten feito Twitter ou a Administración Obama, compartindo en Github o orzamento do gabinete presidencial.
Este arquivo chámase README.md. É o arquivo inicial de cada un dos repositorios que se creen na forxa. Se queres que o contido deste arquivo apareza na pantalla principal ao seleccionar o teu repositorio na interfaz o arquivo deberá chamarse README.md. "READ ME" é a traducción ao inglés de "leeme", polo que sabemos xa polo seu nome que será un arquivo de lectura recomendada ou incluso obligatorio para comprender o alcance ou contidos do repositorio. Os arquivos ca extensión "md" son arquivos Markdown, unha linguaxe que se usa para darlle formato aos arquivos de texto dun xeito sinxelo e compatible ca linguaxe HTML, o estandard na web. Podes saber máis sobre a linguaxe Markdown nesta ligazón. Existen varias versións da linguaxe Markdown, ou sintaxis, pero nós usaremos a sintaxis que usa Github e que podes consultar nesta páxina: https://guides.github.com/features/mastering-markdown/