ឯកសារ Spring Boot + Kotlin ជាភាសាខ្មែរ

រៀនតាមរយះ Source Code នៅក្នុង Github Branches Repository:

• Source Code គឺមានទៅតាម Branches នីមួយៗទៅតាមមេរៀន ដូច្នេះអ្នកអាចរើសតាម Branches បាន!

ជំនួយបន្ថែម:

• ដើម្បីរៀនតាម Tutorial មួយនេះឲ្យកាន់តែឆាប់យល់ ឆាប់ចាប់បាន អ្នកគួរមើលវីដេអូ Spring Boot Crush Course ខ្លះៗដែរ ដើម្បីជាជំនួយក្នុងការសិក្សាវាបន្ថែម។

Spring Boot Tutorial | Full Course [2021] [NEW] by Amigoscode

• បញ្ចាក់ : វីដេអូខាងលើមួយនេះ គឺផ្តោតទៅលើការប្រើប្រាស់ Spring Boot ជាមួយ Java ដូច្នេះ Java គឺមិនខុសគ្នាជាមួយ Kotlin ប៉ុន្មានទេ ដូច្នេះអ្នកអាចរៀនពីការប្រើ Spring Boot ជាមួយ Kotlin នៅក្នុង Tutorial មួយនេះបាន។

តម្រូវការមុននឹងសិក្សា Spring Boot + Kotlin:

• មុននឹងអ្នកអាចរៀននឹង Spring Boot បាន អ្នកត្រូវមានចំណេះដឹងទាក់ទងនឹង Framework Spring ជាមុនសិន។ ហើយអ្នកក៏គួរតែមានចំណេះដឹងទាក់ទងនឹងផ្នែក Frontend(HTML, CSS, JavaScript) ផងដែរ ព្រោះ Spring ជា Framework ដែលយើងយកវាមកប្រើនៅក្នុងផ្នែក Backend។

ចំណុចពិសេសរបស់ Spring Boot + Kotlin:

• Core technologies មានដូចជា dependency injection, events, resources, i18n, validation, data binding, type conversion, SpEL, AOP ។

• Spring MVC – MVC គឺជា Model View Controller។ Model យើងប្រើសម្រាប់បង្កើតជា Table នៅក្នុង Database ហើយមានទំនាក់ទំនងជាមួយ Database ច្រើន រីឯ View វិញគឺដូចទៅនឹងការរចនាគេហទំព័រដោយការសរសេរកូដ HTML, CSS និង JavaScript ចឹង រីឯ Controller គឺប្រើសម្រាប់បង្កើតទំនាក់ទំនងរវាងនឹង Model នឹង View គឺមានន័យថាធ្វើឲ្យ Server មានទំនាក់ទំនងជាមួយ Client ។

• Hibernate & JPA គឺជាលក្ខណះពិសេសរបស់ភាសា Java ដែលផ្តល់នូវមុខងារជាក់លាក់មួយ និងផ្តល់លក្ខណះស្តង់ដារទៅ ORM(Object Relational Mapping ជាឧបករណ៍ដែលផ្តល់លក្ខណះសាមញ្ញទៅឲ្យការបង្កើតទិន្នន័យ, រៀបចំទិន្នន័យនិងដំណើរការទិន្នន័យ បើនិយាយក្នុងន័យកូដគឺវាជាបច្ចេកទេសក្នុងការសរសេរកូដដើម្បីបង្រួមគ្នារវាង Object និង Data Store បញ្ជូលគ្នាទៅក្នុងប្រព័ន្ធទិន្នន័យ)។

• Spring Security ជា framework នៅក្នុងភាសា Spring ដែលប្រើសម្រាប់ត្រួតពិនិត្យ authentication និង authorization ។

អ្វីទៅជា Spring Boot?😯

• Spring Boot ជាការ Bootstraping នូវ Project របស់ Spring ហើយ Spring គឺជា framework របស់ភាសា Java ដែលប្រើសម្រាប់សរសេរកូដបង្កើតជា Web Application ។

អ្វីទៅជា Kotlin?😲

• Kotlin គឺជាភាសាកម្មវិធីថ្មីដែលមានលក្ខណះ Open Source ហើយដូចទៅនឹងភាសា Java និង JavaScript ដែរ។ វាជាភាសាមួយដែលសំបូរបែប ដែលប្រមូលផ្តុំទៅដោយមុខងារជាច្រើនដែលស្ថិតនៅកន្លែងតែមួយ។ បច្ចុប្បន្ននេះ Kotlin ដំណើរការលើ JVM ។

តើធ្វើយ៉ាងមិចបានអាចសរសេរ Spring Boot + Kotlin បាន?🤔

• ត្រូវចំណាំថា ដើម្បីសរសេរ Spring Boot បានយើងត្រូវការបង្កើត Project របស់ Spring Boot ដោយចូលទៅក្នុងគេហទំព័ររបស់ Spring គឺ https://start.spring.io/ ឬក៏ចូលទៅកាន់ IDE របស់អ្នក តែយល់ល្អ គួរតែចូលតាមគេហទំព័រដែលមានតំណរលីងខាងលើទៅ។ តែមុននឹងបង្កើត Project យើងត្រូវទាញយកនូវ Java Development Kit សិនដែលគេគ្រប់គ្នាហៅថា JDK មកក្នុងកុំព្យូទ័ររបស់អ្នកសិន: https://www.oracle.com/java/technologies/javase-downloads.html ហើយធ្វើការជ្រើសរើស version ណាដែរអ្នកចង់ប្រើ សម្រាប់ tutorial មួយនេះគឺពួកយើងប្រើ version 11 ចឹងអ្នកអាចប្រើ version នេះតាមពួកយើងបាន។

• តោះទៅបង្កើត Project Spring Boot ទាំងអស់គ្នា!

• សម្រាប់ Project គឺពួកយើងជ្រើសយក Grandle Project ចំណែកឯ Language គឺយកភាសា​ Kotlin ហើយ Spring Boot គឺយក version ចុងក្រោយគេ។ សម្រាប់ Group, Artifact, Name, Description, និង Package name គឺដាក់តាមអ្វីដែលចង់ដាក់នឹងគ្រប់គ្រង។ សម្រាប់ Packaging គឺពួកយើងយកប្រភេទ Jar ហើយសម្រាប់ Java គឺយកទៅតាម version JDK ដែលអ្នកបានទាញយកកន្លងមក។

• ក្រឡេកភ្នែករបស់អ្នកមកមើលខាងស្តាំដៃបន្តិចគឺឃើញថា Dependencies ដែលក្នុងនោះគឺត្រូវយក Spring Web ដែលប្រើសម្រាប់បង្កើតជា REST API ហើយមួយទៀតគឺ Spring Data JPA ដែលប្រើសម្រាប់បង្កើត Table តាមរយះ ORM និងមួយទៀតគឺ H2 Database ដែលជា Memory Database ។

• បន្ទាប់មកចុចប៊ូតុង Generate នៅខាងក្រោមដើម្បីទាញយក Project នោះមកលើកុំព្យូទ័ររបស់អ្នក។