Folk API er eitt savnsforrit til vevtænastur í Fólkayvirlitsskipanini hjá Umhvørvisstovuni. Hesar vevtænastur eru tøkar umvegis Heldina.
Endamálið við Folk API er at tað skal verða skjótt og lætt hjá virkjum og stovnum at brúka hesar vevtænastur í egnum kt-skipanum, uttan at skula hugsa um vevtænastur og Heldina.
Vevtænasturnar eru býttar sundur í einfaldar tænastur og meira samansettar tænastur. Tær einføldu eru ætlaðaðar til smærri brúkarar, ið bert hava tørv á, ella heimild til, avmarkaða atgongd. Í fystu útgávuni eru bara tær einfaldu vevtænasturnar við.
❗ Allar persónsupplýsingar her á síðunum eru tilgjørdar royndarupplýsingar frá Umhvørvisstovuni!
Áðrenn tú kann byrja at brúka Folk Java API skal virkið ella stovnurin knýta í Heldina við at stovna ein vevtænastubrúkara. Í Heldini verður ein vevtænastubrúkari eisini nevndur ein consumer.