Araneujo

La medio Araneujo kombinas plurajn procezujojn: voko-araneo, voko-abelo, voko-abelisto kc por imiti la publikan retejon de Reta Vortaro.

Post kreado de la sekretoj (vd. diversajn skriptojn araneujo/voko-*-sekretoj*) kaj la komunikreto (bin/create_nw.sh), vi povas lanĉi ĝin per docker stack deploy -c araneujo/docker-compose.yml araneujo aŭ pli komforte per la skripto araneujo/araneujo-deploy.sh, kiu antaŭe kontrolas, ĉu bazaj kondiĉoj estas plenumitaj.

Abelo kaj Abelisto

La datumbazo (mysql) estas en la procezujo voko-abelo. Vi povas inspekti kaj pridemandi ĝin per Abelisto, simpla retinterfaco por db-administrado. Por konekti al la datumbazo, kontrolu la eksportitan retpordon en la dosiero docker-compose.yml kaj lanĉu ĝin en la retumilo ekz. je http://0.0.0.0:8089/

Por konekti vi bezonas la sekvajn parametrojn:

• db: web277
• uzanto: root
• servilo: abelo
• pasvorto: <vd. malsupre>

La pasvorton vi anticipe kreis (espereble) per la skripto voko-abelo-sekretoj kaj dum lanĉo de la medio per araneujo-deploy.sh ĝi muntiĝas en la procezujo kiel dosiero /run/secrets/voko-abelo.mysql_root_password. Do per docker ps eltrovu la numeron de la procezujo araneujo_abelo kaj voku docker exec -it <numero> cat /run/secrets/voko-abelo.mysql_root_password.

Ĉar ĝi troviĝas ankaŭ en voko-araneo, vi povas uzi pli facile la provizitan skripton: ./araneo-exec.sh cat /run/secrets/voko-abelo.mysql_root_password