مقباس 0.9.31 — الإصدار التجريبي

⬇️ حمّل مقباس: Miqbas-Setup.zip

ما الجديد في 0.9.31

• مقباس رجع يتصل بخادمه. الدخول بديسكورد والترجمات الجاهزة من اللاعبين والبلاغات كانت واقفة من صباح 9 أكتوبر، وهالتحديث يرجّعها.
• «ادخل بالإيميل»: صار تقدر تدخل مقباس بإيميل Gmail، مو بس بديسكورد.
• تعريب حي (تجريبي): زر في صفحة اللعبة يقرأ الكلام من شاشة اللعبة ويرسم العربي فوقه وأنت تلعب، بدون ما يلمس ملفات اللعبة.
  • تقدر تشغّله على أي نافذة، مثل يوتيوب والمحاكيات.
  • له ثلاث قوى في الإعدادات حسب جهازك: خفيف، ومتوسط، وأقصى. والأقصى للشاشات الكبيرة 2K و4K.
  • أزرار اختصار: Ctrl+Alt+O تخفي العربي وأنت ماسكها، وCtrl+Alt+T تطفّيه وتشغّله، وCtrl+Alt+R تقرأ الشاشة الحين.
  • فيه مترجم بدون إنترنت يحط مسودة على طول لين توصل ترجمة جوجل.
  • زر «أوقف التعريب الحي» يطفّيه، وإذا قفلت مقباس يقفل معه.
• «اطلب دعم هذه اللعبة»: لعبة مقباس ما يقدر يقراها، تطلب دعمها بضغطة، ونعرف أكثر الألعاب اللي يبيها الناس.
• Stardew Valley وRimWorld وBig Ambitions تفتح بالعربي لحالها بعد التركيب، وترجع للغتك لما تشيل التعريب.
• المكتبة تفتح أسرع بكثير أول مرة بعد تشغيل مقباس.
• «عرّب المودّات» في Hearts of Iron IV ما عاد يعلّق مع المودّات الكبيرة.
• إذا الخط العربي ما طلع في لعبة يونتي، التركيب الجاي يجرّب طريقة ثانية للخط لحاله.
• اللعبة الثقيلة بالمودّات ما عاد مقباس يستعجل ويقول «ما اشتغل» وهي لسّا تحمّل.
• لعبة مثبّتة في Program Files: مقباس يقول لك تشغّله كمسؤول، بدل ما يقول إنه ما قدر يرجّع ملفاتك.
• إصلاحات ثانية:
  • ألعاب يونتي الكبيرة صارت تنقرى بذاكرة أقل.
  • صار مقباس يشتغل حتى لو مجلد الملفات المؤقتة في ويندوز مكتوب بطريقة غلط.
  • Age of Empires II تقول لك السبب إذا صفحات حروفها غير المعروفة.

مقباس 0.9.29 — الإصدار التجريبي

⬇️ حمّل مقباس: Miqbas-Setup.zip

ما الجديد في 0.9.29

ألعاب كبيرة صارت تتعرّب، وإصلاحات من بلاغاتكم.

Hearts of Iron IV صارت تتعرّب: القوائم والأحداث وأشجار التركيز والقرارات، بخط عربي متصل، وكل سطر بترتيبه داخل صندوقه.
ومودّاتها تتعرّب بعد من زر «عرّب المودّات»، مثل Millennium Dawn. والمود الكبير ياخذ وقت لين تفتح اللعبة، وهذا من حجمه.

Age of Empires II: Definitive Edition وHD صارت تتعرّب: القوائم والحضارات وشجرة التطور وشاشة المباراة.

Stardew Valley: العربية صارت لغة من لغاتها. اختر «العربية» من زر اللغة تحت يمين شاشة البداية.
وبعض قوائمها للحين تبدأ من اليسار، وإصلاحها جاي.
والتلميحات وعنوان المزرعة صارت تبدأ من اليمين.

وألعاب ثانية صارت تتعرّب: Rebel Inc: Escalation وThe Red Lantern.

Crusader Kings III: نصوص كانت تطلع إنجليزي صارت تتعرّب. آخر تحديث للعبة كتب آلاف الأسطر بطريقة ما كان مقباس يقراها. أعد استخراج النصوص من صفحة اللعبة، ثم ترجم وركّب.

الترجمة بمفتاح Google المجاني ما عادت توقف عند حد الدقيقة. تنتظر وتكمل، ولما تخلص حصة اليوم لنموذج تنتقل للنموذج الثاني.

ولو خلط النموذج ترجمة سطر بسطر جنبه، مقباس يكشفها ويسأله من جديد.

والتعريب داخل اللعبة صار أدق: الفقرات الطويلة بترتيب أسطرها، والخط العريض في مكانه، والتواريخ مثل «مايو 2002» تتعرّب.

وإصلاحات من بلاغاتكم:

• إضافة لعبة موجودة في مكتبتك ما عادت تفشل.
• لو نقلت لعبتك لقرص ثاني، مقباس يلحقها.
• لو برنامج الحماية قفل ملف من ملفات مقباس، يعيد المحاولة بدل ما يوقف.
• نسخة ملفات لعبتك الاحتياطية تنحفظ كاملة دايم.
• Big Ambitions: صفحة اللعبة تقول لك تختار العربية من إعدادات اللعبة.
• البحث عن مفتاح ألعاب أنريل المقفولة صار يدوّر في اللعبة نفسها، مو في مشغّلها الصغير.
• Hearts of Iron IV: التاريخ فوق الشاشة صار في سطر واحد.
• لما تعرّب مود، ترجمته توصل للاعبين الثانيين على طول.
• ألعاب Paradox: لما تتحدّث اللعبة، مقباس يقول لك تعيد استخراج النصوص وتترجم الجديد.