Skip to content

Home

Jump to bottom
Atabek M edited this page Feb 25, 2018 · 5 revisions

MVP - qısqa tanısıw

Model View Presenter, qısqasha MVP, házirgi kúnde Android dúnyasında keń tarqalıp atırǵan baǵdarlamalastırıwdaǵı prezentaciya shablonlarınıń biri. Bul shablon baǵdarlamanıń biznes logikasın User Interface (UI) qatlamınan bólek basqa bir qatlamǵa alıp shıǵıwdı úgitleydi. Yaǵnıy, UI qatlamı tek paydalanıwshıǵa maǵlıwmatlardı kórsetiw menen shuǵıllanadı, al maǵliwmatlardı qayerden, qalay alıwga bólek struktura juwap beriwi kerek.

Birinshi náwbette MVPdegi bólimler haqqinda bir eki sóz aytip ótsek.

  • M bul jerde Model esaplanadı, bul maǵliwmatlar menen islewshi bólim. Maǵlıwmat degende bul jerde maǵliwmatlar bazasında saqlanǵan, yaki sırtqı API'lardan alınatuǵın bolıwı múmkin. Máselen, login funkciyası ushın paydalanıwshı (User) maǵlıwmatı Model esaplanadı, ol yaki API'dan keliwi yaki lokal maǵlıwmatlar bazasında saqlangan bolıwı múmkin.
  • V bul View, yaǵnıy Android kontekstinde Activity, Fragment, hár qıylı View hám Widgetler. View'diń jalǵız maqseti tek maǵlıwmattı ekranda korsetiw. Bul degeni View ilájı barınsha "awma" bolıwı kerek, yaǵnıy ózinde hesh qanday logika bolmawı kerek. Ol tek mına knopka basıldı, yaki mına teksttiń reniń qızılǵa boya degenge usaǵan ápiwayı amellerdi bejeriwi kerek.
  • P bul Presenter, usı shablonnıń eń tiykarǵı bólimi. Presenter View menen Modeldi baylanıstırıwshı rolin oynaydı hám ádette baǵdarlama logikasın óz ishine aladı. Máselen, ekranda qaysı knopka basılǵanda qaysı maǵlıwmattı júklew bul Presenterdiń wazıypası, View tek mına knopka basıldı degen xabardı Presenterge beriwi kerek, Model tek Presenter soraǵan maǵlıwmattı qaytarıwı kerek. Sonda View maǵlıwmattı qayaqtan, qalay alıp atırǵanınan xabarı joq, al Modeldiń qaysı ekran onı sorap atırǵanınan xabarı bolmaydı.

Tómendegi sxemada MVPdiń bólimleri bir-biri menen qalay baylanısqanı kórsetilgen: mvp_diagram

Bul jerde háreket birinshi View'da baslanadı. Paydalanıwshı geybir háreket qıldı deyik, máselen bir knopkanı bastı, bunday jaǵdayda View'diń jalǵız wazıypası Presenterǵa xabar beriw, mınanday knopka basıldı degen (1). Ol knopka basılǵannan keyin ne háreket bolıwı View'diń jumısı emes. Ítibar bergen bolsańız, Presenter tiykarǵi roldi oynaydı bul shablonda, View menen Modeldi baylanıstırıp. Keyin Presenter Modelge aytadı, magan mınanday-mınanday maǵlıwmatlar kerek (2), solardı ber dep. Model kerek maǵlıwmattı qaytaradı (3) ham Presenter View'ge jańa maǵlıwmattı jiberedi (4), mına taza maǵlıwmattı ekranda korset dep.

Keyingi bólimde MVPdi ámelde qalay paydalanıwdı kórip shıǵamız.

Clone this wiki locally