Meqat Widget v1.4.0

الجديد

• ويدجت الأذكار: أذكار الصباح والمساء وبعد الصلاة والنوم والاستيقاظ والتسابيح من حصن المسلم. في الوضع التلقائي بيمشي مع مواقيت الصلاة (الصباح بعد الفجر، المساء بعد العصر، وأذكار بعد الصلاة لمدة ٢٠ دقيقة بعد كل صلاة)، وفيه عدّاد تدوس عليه مع كل مرة.
• ويدجت الآيات: آيات بالرسم العثماني وخط المصحف — آيات مختارة، أو أي آية من المصحف، أو قراءة بالترتيب بتكمّل من مكانها. بتتغير من كل دقيقة لحد مرة في اليوم، مع نسخ والتالية والسابقة.
• ١٢ صوت أذان بتشتغل من غير نت: ناصر القطامي، ياسر الدوسري، محمد رفعت، محمد صديق المنشاوي، عبد الباسط عبد الصمد، مشاري العفاسي، علي ملا (الحرم المكي)، والأذان الأصلي — ومعاهم اختيار منفصل لأذان الفجر فيه «الصلاة خير من النوم». كل صوت تقدر تسمعه قبل ما تختاره.
• الإعدادات بقت تبويبات، وأولها «الويدجتس» تضيف منه أي ويدجت أو تشيله. كليك يمين على أي ويدجت بيفتح إعداداته.
• التحكم في حجم خط اسم اليوم والتاريخ.

إصلاحات

• الويدجتس بتظهر من غير ما تاخد الـfocus من البرنامج اللي شغال عليه.
• الويدجتس الجديدة بتترص تحت بعض أول مرة بدل ما تقع فوق بعض.

المصادر

نص القرآن الكريم من Tanzil بدون أي تعديل. الأذكار من حصن المسلم عن طريق azkar-api بعد تصحيح أخطاء الكتابة. تسجيلات الأذان من adhan-mp3.

الإعدادات القديمة بتتنقل تلقائيًا.

Meqat Widget v1.3.0

الجديد

• النافذة على قد الويدجت بالظبط في أي حجم (٧٠٪–١٦٠٪): مفيش قص، ومفيش مساحة شفافة بتمنع الضغط على سطح المكتب.
• أي مدينة: ابحث بالعربي أو الإنجليزي، ومعاها ١١ طريقة حساب واختيار العصر (جمهور / حنفي).
• تاريخ هجري حقيقي بدل التاريخ الثابت، مع تصحيح ±٢ يوم.
• ٣ أشكال: كامل، مصغّر، المواقيت فقط.
• الصلاة الجاية متعلّمة والصلوات اللي عدّت باهتة، وشريط بيوضح فاضل قد إيه، وظهر الجمعة بيظهر «الجمعة».
• تنبيهات: مستوى صوت الأذان مع زرار تجربة، إشعارات ويندوز، وتذكير قبل الأذان.
• إعدادات في نافذة مستقلة (كليك يمين على الويدجت أو زرار الترس)، وكل تغيير بيتطبّق فورًا.
• تثبيت المكان، التشغيل مع ويندوز، نسخة واحدة بس، ورجوع الويدجت للشاشة لو الشاشة اتفصلت.
• الخطوط بقت جوه البرنامج وبتشتغل من غير نت.

إصلاحات

• المواقيت بتتحدّث لوحدها بعد نص الليل من غير إعادة تشغيل.
• الأذان مابقاش بيشتغل مرتين في نفس الدقيقة.
• العد التنازلي مابقاش بيظهر :60 أو يزوّد دقيقة.

الإعدادات القديمة (الحجم، اللون، الخط، الأرقام) بتتنقل تلقائيًا.

Meqat Widget v1.2.0

ستايل زجاجي، التثبيت فوق النوافذ، خيار 12/24 ساعة، ودعم الأوفلاين